شىعىس قازاقستاندا بيىل قانشا ادام جول اپاتىنان كوز جۇمدى
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، جىل باسىنان بەرى ءوڭىر بويىنشا 240 رەت جول اپاتى بولعان. سونىڭ سالدارىنان 338 ازامات جاراقات الىپ، 43 ادام كوز جۇمدى.
«جول-كولىك وقيعالارىنىڭ اراسىندا بەتپە-بەت سوقتىعىسۋ، كولىكتىڭ اۋدارىلۋى جانە جاياۋ جۇرگىنشىنى قاعىپ كەتۋ جاعدايلارى بار. كۇن جىلىنعالى بەرى جول اپاتى جيىلەي ءتۇستى. سەبەبى تۇرعىندار قالا سىرتىنا دەمالۋعا شىعىپ، كولىك اعىنى ايتارلىقتاي ارتتى»، - دەلىنگەن اقپاراتتا.
تالداۋ ناتيجەلەرى كورسەتكەندەي، جول اپاتىنىڭ نەگىزگى سەبەپتەرى - جىلدامدىقتى رۇقسات ەتىلگەن شەكتەۋدەن اسىرۋ، كولىكتى ماس كۇيدە ايداۋ، مانيەۆر جاساۋ ەرەجەلەرىن بۇزۋ جانە قارسى جولاققا شىعىپ كەتۋ.
جالپى بيىل شىعىس قازاقستاندا ەكى جانتۇرشىگەرلىك جول-كولىك وقيعاسى بولدى.
اتاپ ايتقاندا، 8- مامىر كۇنى ساعات 11:20 شاماسىندا رەسپۋبليكالىق ماڭىزى بار «ومبى- مايقاپشاعاي» تاسجولىنىڭ جارما اۋدانى شار قالاسىنىڭ ماڭىنداعى ۋچاسكەسىندە «Ssang Yong Actyon» مەن «ۆاز-21014» كولىكتەرى سوقتىعىسىپ، 6 ادام مەرت بولدى.
ال 22- مامىر كۇنى ساعات 07:40 تا «الماتى-وسكەمەن» تاسجولىنىڭ جارما اۋدانى قالباتاۋ اۋىلىنىڭ تۇسىنداعى 959 شاقىرامىندا بولعان اپاتتان 5 ادام كوز جۇمعان ەدى.
