ب ۇ ۇ قازاقستاندا جۇرگىزىلىپ جاتقان تىڭ باستامالاردى قولدايدى - امينا مۇحاممەد
بۇل تۋرالى ق ر سىرتقى ىستەر مينيسترلىگىندەگى باسپا ءسوز ءماسليحاتىندا ب ۇ ۇ باس حاتشىسىنىڭ ءبىرىنشى ورىنباسارى امينا مۇحاممەد ءمالىم ەتتى، دەپ حابارلايدى قازاقپارات ءتىلشىسى.
«قازاقستاننىڭ 30 جىل بويى ەلدىڭ تۇراقتى دامۋى باعىتىنداعى قادامدارىن قۇپتايمىز. بۇگىنگى كەزدەسۋ بارىسىندا قازاقستان پرەزيدەنتى قاسىم- جومارت توقايەۆ ەلدىڭ دامۋى جولىنداعى ماڭىزدى ماقساتتاردى اتاپ ءوتتى. ءبىز قازاقستانداعى ساياسي رەفورمالاردىڭ پروتسەسىن قولدايمىز. اتاپ ايتقاندا، ءساتتى وتكەن رەفرەندۋم تۇرعىسىندا بۇل تاقىرىپ اسا ماڭىزدى»، - دەدى ا. مۇحاممەد.
سونىمەن قاتار ول قازاقستانداعى تىڭ باستامالار ەلدىڭ ىلگەرى دامۋىنا مۇمكىندىك بەرەتىنىن اتاپ ءوتتى.
«اتالعان رەفورمالاردى ادام قۇقىقتارى بويىنشا حالىقارالىق نورمالار مەن ستاندارتتارعا ساي ءتيىمدى جۇزەگە اسىرۋعا، سونداي- اق ازاماتتىق قوعاممەن ءوزارا ءىس- قيمىلدى ەسكەرۋگە شاقىرامىز»، - دەدى ب ۇ ۇ باس حاتشىسىنىڭ ءبىرىنشى ورىنباسارى.
بۇدان بۇرىن حابارلانعانداي، بۇگىن مەملەكەت باسشىسى قاسىم- جومارت توقايەۆ ورتالىق ازياعا ساپارى اياسىندا قازاقستانعا كەلگەن ب ۇ ۇ باس حاتشىسىنىڭ ءبىرىنشى ورىنباسارى امينا مۇحاممەدتى قابىلدادى.
ايتا كەتەيىك، ق ر ورتالىق رەفەرەندۋم كوميسسياسى 5-ماۋسىمدا وتكەن قازاقستان كونستيتۋتسياسىنا وزگەرتۋلەر مەن تولىقتىرۋلارعا قاتىستى رەفەرەندۋم قورىتىندىسىن جاريا ەتتى. وسى ورايدا كونستيتۋتسياعا ۇسىنىلعان وزگەرىستەر قابىلداندى.
