15:24, 09 - ماۋسىم 2022 | GMT +6
قىتايدا اسكەري ۇشاق تۇرعىن ءۇي عيماراتىنا قۇلاپ، ءبىر ادام مەرت بولدى
بەيجىڭ. قازاقپارات - بەيسەنبى كۇنى تاڭەرتەڭ قىتاي اسكەري- اۋە كۇشتەرىنىڭ J-7 ۇشاعى سيانيان قالاسىندا (حۋبەي پروۆينتسياسى، ورتالىق قىتاي) اۋەجايعا جاقىن ماڭدا ۇشۋ جاتتىعۋى كەزىندە اپاتقا ۇشىرادى، دەپ حابارلايدى قازاقپارات مەنشىكتى ءتىلشىسى ورتالىق قىتاي تەلەارناسىنا سىلتەمە جاساپ.
ا ا ك ۇشاعىنىڭ سيانيان قالاسىندا تۇرعىن ءۇي عيماراتىنا قۇلاۋى سالدارىنان كەم دەگەندە ءبىر ادام قازا تاۋىپ، ەكەۋى جاراقات الدى. ۇشقىش كاتاپۋلتا جاساپ ۇلگەرگەن. ۇشقىش پەن زارداپ شەگۋشىلەر اۋرۋحاناعا جەتكىزىلدى. قازا تاپقان ادام مەن زارداپ شەككەندەردىڭ جەرگىلىك تۇرعىن ەكەنى حابارلاندى. اپات بولعان جەردە قۇتقارۋشىلار جۇمىس ىستەپ جاتىر. قازىرگى ۋاقىتتا وقيعانىڭ ءمان- جايى جانە زارداپ شەككەندەردىڭ ناقتى سانى انىقتالۋدا.
اۆتور: سماعۇلوۆا ەركەجان
