نۇرسۇلتان نازاربايەۆ ساياساتقا ارالاسىپ جاتىر ما؟ - سەنات ءتوراعاسى جاۋاپ بەردى
«بۇرىنعى پرەزيدەنت نۇرسۇلتان نازاربايەۆ ساياساتقا ارالاسىپ جاتىر ما؟ قانداي دا شەشىم قابىلداي ما؟ ونىمەن سىزدەر اقىلداساسىزدار ما؟»، - دەپ سۇراق قويدى تىلشىلەر سەنات وتىرىسىنان كەيىن. ءوز جاۋابىندا م. اشىمبايەۆ ق ر تۇڭعىش پرەزيدەنتى نۇرسۇلتان نازاربايەۆتىڭ بۇگىنگى ساياساتقا ارالاسپايتىنىن ايتتى.
«ونى وزدەرىڭىز دە كورىپ وتىرسىزدار. ارينە، اۋقىمدى شارالاردا، رەفەرەندۋم، سايلاۋ سەكىلدى شارالارعا ەل ازاماتى رەتىندە قاتىسا الادى. بارلىق ماسەلەلەر زاڭدا كورسەتىلگەندەي شەشىلىپ جاتىر. كونستيتۋتسياعا بايلانىستى پرەزيدەنت قۇقىقتارى بار، ۇكىمەتتىڭ، سەناتتىڭ، ءماجىلىستىڭ قۇقىقتارى بار. سولاردىڭ ءبارىن زاڭ جۇزىندە ىسكە اسىرىپ جاتىرمىز. نۇرسۇلتان ءابىش ۇلى رەفەرەندۋم بولعاندا ءوزىنىڭ داۋىسىن بەردى، ول ءاربىر ازاماتتىڭ قۇقىعى. ءبىراق ساياساتكەر رەتىندە، تۇڭعىش پرەزيدەنت رەتىندە قازاقستاننىڭ ساياساتىنا ارالاسىپ وتىرعان جوق»، - دەپ جاۋاپ بەردى ماۋلەن اشىمبايەۆ.
سەنات ءتوراعاسى قازىرگى كەزدە بيلىكتىڭ بارلىق تارماعى، بارلىق مەملەكەتتىك ورگاندار زاڭ جۇزىندە ءوز قۇزىرەتتەرىن جۇرگىزىپ جاتقانىن ەسكە سالدى.
اۆتور: ايجان سەرىكجان قىزى
