ىستىق اۋا رايىنان «تۇركىستان- شىمكەنت» باعىتىنداعى جولدا بەتون پليتاسى كوتەرىلىپ كەتتى - ۆيدەو

تۇركىستان. قازاقپارات - «سامارا - شىمكەنت» تاسجولىنىڭ «قىزىلوردا - شىمكەنت» اقىلى ۋچاسكەسىندە سەمەنت-بەتون پليتاسى كوتەرىلىپ كەتتى، دەپ حابارلايدى قازاقپارات ءتىلشىسى.

الەۋمەتتىك جەلىدە «تۇركىستان- شىمكەنت» باعىتىنداعى جولدا سەمەنت پليتانىڭ كوتەرىلىپ كەتكەندىگى تۋرالى ۆيدەو تارادى.

جاعداي تورتكول كەنتى اۋماعىندا ورىن العان. جول ورتاسىنداعى ۇلكەن پليتالار اجىراپ، كولىكتەردىڭ جۇرۋىنە كەدەرگى تۋدىردى.

«قازاۆتوجول» ۇ ق» ا ق باسپا ءسوز حاتشىسى ءلاززات ستامعازيەۆا قازىرگى تاڭدا «شىمكەنتجولقۇرىلىس» ج ش س مەردىگەر ۇيىمى جولدى قالپىنا كەلتىرۋ جۇمىستارىن اياقتاعانىن ءمالىم ەتتى.

«10 جول قىزمەتكەرى جانە 5 ارنايى تەحنيكا (3 ساموسۆال، 1 تيەگىش، 1 گيدرومولوت) جۇمىلدىرىلدى. قاجەت جول بەلگىلەرى ورناتىلدى. جەرگىلىكتى پوليتسيا پاترۋلدەۋ جۇرگىزىپ جاتىر»، - دەدى ءلاززات ستامعازيەۆا.