ءبىز وسكەلەڭ ۇرپاقتى ناعىز پاتريتوت ەتىپ تاربيەلەۋىمىز كەرەك - وڭداسىن ورازالين
سەسسياعا دەپۋتاتتار، كاسىپكەرلەر، قازاقستان حالقى اسسامبلەياسىنىڭ وبلىستىق فيليال مۇشەلەرى، ەتنومادەني بىرلەستىكتەردىڭ ءتوراعالارى، مەملەكەتتىك ورگانداردىڭ وكىلدەرى، قوعامدىق كەلىسىم، انالار، اقساقالدار كەڭەستەرىنىڭ مۇشەلەرى قاتىستى.
«اسسامبلەيا ءتوراعاسى قاسىم-جومارت كەمەل ۇلى ءوز سوزىندە گەوساياسي جاعدايدىڭ ءقازىر شيەلەنىسىپ تۇرعانىنا باسا نازار اۋداردى. جاڭا مىندەتتەر تۋىنداۋدا. بۇل رەتتە ەلدىڭ ازاماتتىق بىرەگەيلىگىن نىعايتىپ، پاتريوتتىق رۋحتى تاربيەلەۋگە باسا نازار اۋدارۋىمىز كەرەك. ءبىزدىڭ «ءبىز ءارتۇرلىمىز، ءبىراق بىرگەمىز» دەگەن باستى قاعيدامىز ەشقاشان وزگەرمەيدى. ءبىز وسكەلەڭ ۇرپاقتى ناعىز پاتريوت ەتىپ تاربيەلەۋىمىز كەرەك. ازاماتتاردى قالاي دا بولسا كەمسىتۋگە، ولاردىڭ ار- نامىسى مەن قادىر- قاسيەتىن قورلاۋعا جول بەرىلمەيدى. ءارقايسىمىزدىڭ پىكىرىمىز ءارتۇرلى، ءبىراق بىزدە قوعام مەن مەملەكەت ءبىر. ءوز جۇمىسىمىزدا ءبىز الدىمەن، وسى قاعيدالاردى باسشىلىققا الۋىمىز كەرەك»، - دەپ اتاپ ءوتتى وبلىس اكىمى وڭداسىن ورازالين.
سونداي- اق، سەسسيانىڭ كۇن تارتىبىنە قازاقستان حالقى اسسامبلەياسى مەن ەتنومادەني بىرلەستىكتەردى ءارى قاراي دامىتۋ، ەتنوسارالىق قاتىناستارعا مەدياتسيانى قولدانۋ، جاستاردىڭ باستامالارىن دامىتۋ، جاستاردى جاسامپازدىق جانە الەۋمەتتىك قىزمەتكە ارالاستىرۋ تالقىلاندى. وبلىستىق ىشكى ساياسات باسقارماسىنىڭ باسشىسى ءلاززات ورازبايەۆا، قوعامدىق كەلىسىم كەڭەسىنىڭ ءتوراعاسى سەرگەي ۆيشنياك، مەدياتسيا جونىندەگى ءتوراعاسى سۆەتلانا بالپەيىسوۆا اتقارىلعان جۇمىستى قورىتىندىلادى. بۇدان بولەك، وتىرىس بارىسىندا قازاقستان حالقى اسسامبلەياسى وبلىستىق كەڭەسى مەن وبلىستىق قازاقستان حالقى اسسامبلەياسىنىڭ قۇرامدارىنا وزگەرتۋلەر مەن تولىقتىرۋلار ەنگىزىلدى.
اۆتور: التىناي ساعىندىقوۆا
