شەتەلگە قازاقستاننىڭ جاساندى ۇرىقتاندىرۋ جانە ءتىس ەمدەۋ قىزمەتتەرى قانشالىقتى تانىمال
بۇل تۋرالى ق ر دەنساۋلىق ساقتاۋ ءبىرىنشى ۆيتسە-ءمينيسترى مارات شورانوۆ شاڭحاي ىنتىماقتاستىق ۇيىمىنا مۇشە مەملەكەتتەرى دەنساۋلىق ساقتاۋ مينيسترلەرىنىڭ بەسىنشى كەڭەسىندە ايتتى، دەپ حابارلايدى قازاقپارات ۆەدومستۆو سايتىنا سىلتەمە جاساپ.
«مەديتسينانىڭ ءبىرقاتار باعىتتارى حالىقارالىق دەڭگەيدە تابىستى باسەكەلەسە باستادى. ءبىزدىڭ ورتالىقتار ورتالىق ازيا وڭىرىندە جەتەكشى ورتالىقتارعا اينالدى، ولار مەديتسينالىق قىزمەت كورسەتۋ ساپاسى مەن دەڭگەيىنىڭ الەمدىك ستاندارتتارىنا سايكەس كەلەدى»، - دەپ اتاپ ءوتتى مارات شورانوۆ.
سپيكەر قازاقستاندا شەتەلدىك ازاماتتاردى جوعارى تەحنولوگيالىق مەديتسينالىق كومەك الۋ ءۇشىن شاقىرۋعا مۇمكىندىك بەرەتىن بارلىق جاعداي جاسالعانىن حابارلادى.
قازىرگى ۋاقىتتا وسىنداي قىزمەتتىڭ 80 ءتۇرى بويىنشا قولجەتىمدىلىك قامتاماسىز ەتىلگەن.
ەلىمىزدە يادرولىق مەديتسينا، قاتەرلى ىسىكتەردى ەمدەۋگە ارنالعان 2 توموتەراپيا ورتالىعى جانە «گامما-پىشاق» كەشەنى جۇمىس ىستەيدى.
«شەتەلدىك پاتسيەنتتەر اراسىندا ەڭ تانىمال قىزمەتتەر تىزىمىندە ەكستراكورپورالدىق ۇرىقتاندىرۋ جانە ستوماتولوگيالىق قىزمەتتەر بار»، - دەپ كورسەتىلگەن مينيسترلىك حابارلاماسىندا.
ايتا كەتسەك، مەديتسينالىق ۇيىمداردى سيفرلاندىرۋ ارقاسىندا ەمحانالارداعى كەزەك 2 ەسەگە قىسقارعان.
