قورعانىس ءمينيسترى اسكەردەگى پروبلەمالاردى اشىق ايتۋعا ۋادە بەردى
بۇل تۋرالى ق ر قورعانىس ءمينيسترى رۋسلان جاقسىلىقوۆ ءمالىم ەتتى، دەپ حابارلايدى قازاقپارات ءتىلشىسى.
«ەكى اپتادا ءبىر رەت بۇقارالىق اقپارات قۇرالدارىنا ارنالعان رەسمي بريفينگ وتكىزۋدى جوسپارلاپ وتىرمىز. بۇعان دەيىن وسىنداي تارتىپتە مالىمەت بەرۋ قاراستىرىلماعان ەدى. بريفينگ بارىسىندا جەكە ءوزىم، مەنىڭ ورىنباسارلارىم جانە باسقا دا جاۋاپتى وفيتسەرلەر تىلشىلەردىڭ كەز كەلگەن سۇراعىنا جاۋاپ بەرەتىن بولادى. نەعۇرلىم اشىق بولساق، سوعۇرلىم تۇسىنىستىك قالىپتاسادى. سوندىقتان الداعى ۋاقىتتا ءبىز وتكىزەتىن بريفينگىگە شاقىرامىن»، - دەدى ر. جاقسىلىقوۆ ماجىلىستە تىلشىلەردىڭ ساۋالىنا جاۋاپ بەرە وتىرىپ.
بۇدان بۇرىن حابارلانعانداي، بۇگىن ق ر قورعانىس ءمينيسترى رۋسلان جاقسىلىقوۆ مەرزىمدى اسكەري بورىشىن وتەپ جۇرگەندەر اراسىندا ءوز-وزىنە قول جۇمساۋ جاعدايلارىنا قاتىستى پىكىر ءبىلدىردى.
بۇدان بۇرىن حابارلانعانداي، جاقىندا ماڭعىستاۋ وبلىسىندا شەكارا قىزمەتىندە اسكەري بورىشىن وتەپ جۇرگەن سارباز ءوز-وزىنە قول جۇمسادى .
ايتا كەتەيىك، پرەزيدەنت ارميادا ءولىم-ءجىتىمنىڭ جيىلەۋىنە بايلانىستى كوميسسيا قۇرۋدى تاپسىردى.
