ورتالىق ازيا - قىتاي فورماتىنداعى سىرتقى ىستەر مينيسترلەرى كەڭەسى قورىتىندىلاندى
«بۇگىن نۇر- سۇلتاندا «ورتالىق ازيا - قىتاي» فورماتىندا سىرتقى ىستەر مينيسترلەرىنىڭ ءۇشىنشى كەڭەسى ءساتتى اياقتالدى. وسى پلاتفورمانى قۇرۋ باستاماسىن قىتاي تاراپى 2020 -جىلى ءوڭىر مەملەكەتتەرىنىڭ قىتايمەن كوپجوسپارلى بايلانىستارىن نىعايتۋ بويىنشا كۇش- جىگەردى ۇلعايتۋ، سونداي- اق ءوڭىرارالىق ىنتىماقتاستىقتى دامىتۋ ماقساتىندا ۇسىندى. تاريحي ولشەم بويىنشا وتە قىسقا كەزەڭدە بۇل فورمات ءوزىن سەنىم احۋالىن، تاتۋ كورشىلىك پەن وڭىرلىك جانە حالىقارالىق وزەكتى پروبلەمالاردى شەشۋدىڭ ءوزارا ءتيىمدى تاسىلدەرىن سىندارلى ىزدەۋدى نىعايتۋعا قابىلەتتى، جان- جاقتى ءوزارا ءىس- قيمىلدىڭ ءتيىمدى جانە پەرسپەكتيۆالى ينستيتۋتتارىنىڭ ءبىرى رەتىندە كورسەتتى»، - دەدى مۇحتار تىلەۋبەردى كەڭەستەن كەيىنگى ب ا ق وكىلدەرىنە ارنالعان بريفينگىدە.
مينيستر بۇگىنگى كەزدەسۋ وتە جەمىستى جانە مازمۇندى بولعانىن اتاپ ءوتتى.
«ءبىز ءداستۇرلى دوستىق، اشىقتىق جانە پراگماتيزم رۋحىندا وتكەن پىكىر الماسۋعا قاناعاتتانامىز. كەڭەسكە قاتىسۋشىلار «ورتالىق ازيا - قىتاي» فورماتى جىلدان جىلعا الەۋەتى مەن تيىمدىلىگىن ارتتىرا وتىرىپ، بەلگىلەنگەن ماقساتتارعا جەتەدى دەگەن ورتاق پىكىرگە كەلدى. ءبىزدىڭ ديالوگ اياسىندا جان- جاقتى ىنتىماقتاستىقتى نىعايتۋعا، ونىڭ ەلەۋلى مۇمكىندىكتەرىن اشۋعا جانە ورتالىق ازيا ءوڭىرىن بەيبىتشىلىك، دوستىق، ءوزارا كومەك، ورنىقتى دامۋ جانە ۇيلەسىمدىلىك كەڭىستىگىنە اينالدىرۋعا مۇددەلىلىگىمىزدى كەزەكتى رەت راستايمىز. بۇل كەزدەسۋدىڭ مەملەكەتتەرىمىز اراسىنداعى ديپلوماتيالىق قارىم- قاتىناستاردىڭ ورناعانىنا 30 جىل تولۋىنا وراي ءوتۋى وتە ماڭىزدى»، - دەدى ول.
مينيستر بيىلعى جىلدىڭ ماڭىزدى وقيعاسى 25- قاڭتاردا وتكەن ورتالىق ازيا مەن قىتاي مەملەكەتتەرى باسشىلارىنىڭ سامميتى بولعانىن، ونىڭ اياسىندا ىنتىماقتاستىقتىڭ ماگيسترالدىق باعىتتارى ەگجەي- تەگجەيلى قارالىپ، حالىقارالىق جانە وڭىرلىك كۇن ءتارتىبىنىڭ وزەكتى ماسەلەلەرى تالقىلانعانىن باسا ايتتى.
«ەلدەرىمىزدىڭ مەملەكەت باسشىلارى كوتەرگەن باستامالاردى ىسكە اسىرۋ ماقساتىندا جول كارتاسىن قابىلداۋ العا قاراي ماڭىزدى قادام بولدى. بۇل قۇجات قاۋىپسىزدىك، كولىك جانە لوگيستيكا، ەنەرگەتيكا، ونەركاسىپتى جاڭعىرتۋ، كليماتتىڭ وزگەرۋىمەن كۇرەس، «جاسىل» ەكونوميكا، IT- يندۋستريا، دەنساۋلىق ساقتاۋ، ءبىلىم بەرۋ، مادەنيەت، تۋريزم جانە باسقا دا ماڭىزدى سالالاردى قامتيدى. سونىمەن قاتار، تاراپتار ورتالىق ازيا ءوڭىرىنىڭ قىتايمەن ءوزارا بايلانىسىن تەرەڭدەتۋ جانە دەرەكتەر قاۋىپسىزدىگى سالاسىنداعى ىنتىماقتاستىقتى نىعايتۋ ماقساتىندا ءتيىستى باستامالاردى ماقۇلدادى. كەڭەس قورىتىندىسى بويىنشا قابىلدانعان قاتىسۋشى ەلدەردىڭ سىرتقى ىستەر مينيسترلەرىنىڭ بىرلەسكەن مالىمدەمەسى بۇگىنگى وتىرىس اياسىندا وتكەن ناتيجەلى كونسۋلتاتسيالاردىڭ قورىتىندىسىن شىعاردى. بۇگىن قازاقستان وسى فورماتتاعى ءوزىنىڭ ءتوراعالىعىن اياقتادى. مينيسترلەردىڭ ورتاق شەشىمىنە سايكەس بۇل ماڭىزدى مىندەت - كەلەسى ءتورتىنشى فورۋمدى باسقارۋ - قىتاي حالىق رەسپۋبليكاسىنا ءوتتى. بۇگىنگى كەزدەسۋدە ۇجىمدىق جۇمىسپەن اتقارىلعان جۇمىستارعا قاناعاتتانۋشىلىق بىلدىرە وتىرىپ، ءبىز ءوڭىر ەلدەرىنىڭ وسى فورمات شەڭبەرىندە كوپجوسپارلى ىنتىماقتاستىقتى نىعايتۋعا تولىق مۇددەلى ەكەندىكتەرىن تاعى دا راستايمىز. بۇگىنگى كەڭەس جانە ونىڭ قورىتىندىلارى ءبىزدىڭ ديالوگ شەڭبەرىندە ءوزارا ءتيىمدى جان- جاقتى ىنتىماقتاستىقتى ودان ءارى ارتتىرۋ ءۇشىن بەرىك ىرگەتاس قالايتىنىنا جانە ءبىزدىڭ ءوڭىرىمىزدى بەيبىتشىلىك، دوستىق، تۇراقتىلىق، ءوزارا كومەك، ورنىقتى دامۋ جانە ۇيلەسىمدىلىك كەڭىستىگىنە اينالدىرۋعا ىقپال ەتەتىنىنە سەنىمدىمىز»، - دەدى مۇحتار تىلەۋبەردى.
اۆتور: مارلان جيەمباي
