ادامدار نەگە قيىندىققا تەز بەرىلەدى؟

نۇر- سۇلتان. قازاقپارات - ءبىز كوبىنە ءومىردىڭ ەرەجەلەرى تىم كۇردەلى دەپ ويلايمىز. ال، شىندىعىندا بارلىعى وڭاي. تەك ادامنىڭ وزىنە بايلانىستى.

ادام تىرشىلىك بارىسىندا كەدەرگىلەرگە ۇرىنۋى، ءسۇرىنۋى ءھام شالىس باسۋى زاڭدىلىق.

سونداي ساتتەردە بارلىعى ءبىتتى دەپ قول سىلتەپ كەتۋ ءتىپتى وڭاي. ءوزىڭىزدى ءالسىزبىن دەپ، ارمانعا دەگەن قادامىڭىزدى توقتاتپاڭىز. ادامدار نەگە تەز بەرىلەدى؟ سەبەبىنە ءۇڭىلىپ كوردىڭىز بە؟ ونىڭ بىرنەشە سەبەبى بار.

1. بەلگىلى ءبىر ءىستى باستاي سالا تەز ناتيجەسىن كۇتۋ؛

2. وزىنە دەگەن سەنىمىن جوعالتۋ؛

3. وتكەن شاققا بايلانىپ قالۋ؛

4. تەز قولىن ءبىر سىلتەپ كەتۋ؛

5. بولاشاقتان قورقۋ؛

6. ءومىر وزگەرىستەرىنە قارسى تۇرا الماۋ؛

7. ءوزىن ەڭ ءالسىز جانداي سەزىنۋ؛

8. كەدەرگىگە ۇرىنعان كەزدە الداعى كۇندەردەن ءۇمىت ءۇزۋ؛

9. ءوزىن تىم كوپ جۇمىس ىستەيمىن دەپ ويلاۋ؛

10. ءجيى وكىنۋ؛

11. جەكە باسىنداعى ماسەلە وتە كۇردەلى دەپ ساناۋ؛

12. ءوز قاتەلىگىن مويىنداماۋ؛

13. بارلىق مۇكىندىگىن ەسكەرمەۋ.

مىنە، وسى سەكىلدى بىرنەشە سەبەبى بار ەكەن. بۇل ءتىزىمدى ارى قاراي تىزبەكتەپ جالعاستىرۋعا بولادى. الايدا، وسىنىڭ ءوزى اجەپتاۋىر سەبەپ بولا الادى.

نەگىزىندە ادامنىڭ مۇمكىندىگى وتە كوپ. ەگەر جولىڭىز بولماي جۇرسە، ءبىر ءسات ويلانىپ، ءوزىڭىزدى قولعا العانىڭىز ءجون. اركىمنىڭ ءومىرى ءوز قولىندا. ونى گۇلگە اينالدىراتىن دا، كۇلگە اينالدىراتىن دا ءوزىڭىز.

Massaget.kz