ازاماتتىعىن ساتىپ الۋعا بولاتىن مەملەكەتتەر

نۇر-سۇلتان. قازاقپارات - بۇگىنگى بايلىق ياحتالار، ۇشاقتارمەن ولشەنبەيدى. باسقا مەملەكەتتىڭ ازاماتتىعىن الۋ - ءىرى بيزنەسمەندەردىڭ، وليگارحتاردىڭ جانە جاي عانا اسا باي ادامداردىڭ قۋلىعىنىڭ جاڭا ءتۇرى.

ال كەيبىر ەلدەر ولاردىڭ «حوببيىن» تولىعىمەن قولدايدى.

بۇگىن ءبىز ازاماتتىق الۋدىڭ ەڭ بەيتاراپ شارتتارى بار ەلدەر ءتىزىمىن جينادىق.

كيپر

كيپر ءتولقۇجاتىن الۋ - ە و ازاماتى بولۋدىڭ ەڭ جىلدام جولى. كيپرگە كەلۋدىڭ قاجەتى جوق. ارالداعى جىلجىمايتىن مۇلىك قۇرىلىستارىنىڭ بىرىنە 2 ميلليون ەۋرو ينۆەستيتسيالاۋ جەتكىلىكتى. التى ايدان كەيىن سىزگە ەۋروپا ەلدەرىندە ەركىن قوزعالۋ، تۇرۋ، جۇمىس ىستەۋ جانە وقۋ قۇقىعىن راستايتىن قۇجات بەرىلەدى.

پورتۋگاليا

پورتۋگال ءتولقۇجاتىن الۋ دا وڭاي، ءبىراق ءبىراز ۋاقىتتى الادى. بەس جىل ىشىندە 500000 ەۋرو كولەمىندەگى جىلجىمايتىن مۇلىك ساتىپ الۋ كەرەك. تاعى ءبىر جىلدان كەيىن ءسىز قالاعان «قۇرمەتتى كىتاپشا» بەرىلەدى. ەلدە تۇراقتى تۇرۋدىڭ قاجەتى جوق، ەكى جىلدا ءبىر رەت ەكى اپتاعا كىرىپ-شىعۋ كەرەك. ءبىراق پورتۋگال ءتىلىن ۇيرەنۋ قاجەت. سەبەبى ۇكىمەت ءسىزدى ءتىل سىناعىنان وتۋگە ءماجبۇر ەتەدى.

يسپانيا

يسپانيادا 500 مىڭ ەۋروعا جىلجىمايتىن مۇلىك ساتىپ العاننان كەيىن ۋاقىتشا تۇرۋعا رۇقسات الۋ ءۇشىن بەس جىل، ال ازاماتتىق الۋ ءۇشىن ون جىل تۇرۋ كەرەك.

گرەكيا

گرەك ەلىنىڭ ازاماتتىعىن الۋ ءۇشىن 250000 ەۋروعا جىلجىمايتىن مۇلىك ساتىپ الۋ كەرەك. ەۋروپادا تۇرۋ قۇقىعىنىڭ مۇنداي تومەن قۇنىنىڭ ەكى جاقسى جاعى بار. ءبىرى - بۇل ەلدە تۇراقتى تۇرۋدىڭ قاجەتى جوق، ەكىنشىسى - ءوتىنىش بەرۋشىنىڭ 21 جاسقا تولماعان بالالارى دا گرەكيانىڭ قۇجاتىن اۆتوماتتى تۇردە الادى. ال، ازاماتتىق جەتى جىلدان كەيىن بەرىلەدى.

ا ق ش

ا ق ش ۇكىمەتى ينۆەستورلارعا تۇرۋعا رۇقسات الۋدىڭ ەكى E-2 Visa جانە EB-5 Investor Visa ءادىسىن ۇسىنادى. EB-5 ا ق ش- تاعى ۇكىمەت ماقۇلداعان جوبالارعا كەمىندە 1 ميلليون دوللار ينۆەستيتسيالاعاندارعا بەرىلەدى. بۇل يمميگراتسيالىق ۆيزا سىزگە امەريكا قۇراما شتاتتارىندا تۇرۋعا، وقۋعا، جۇمىس ىستەۋگە جانە زەينەتكە شىعۋعا قۇقىق بەرەدى. ەكىنشى جاعدايدا، ينۆەستيتسيا شەگى تومەن، ءبىراق بۇل باعدارلامانى كەيبىر ەلدەردىڭ ازاماتتارى عانا پايدالانا الادى.

گرەنادا

بۇل ەلدىڭ ازاماتتىعىن الۋ ءۇشىن 200000 دوللار قايىرىمدىلىق ىسىنە بەرۋ كەرەك نەمەسە 350000 دوللار جىلجىمايتىن مۇلىك ساتىپ الۋ قاجەت. گرەنادا ءتولقۇجاتى 127 ەلگە ۆيزاسىز بارۋعا جانە ا ق ش- تىڭ E-2 باعدارلاماسىنا قاتىسۋعا مۇمكىندىك بەرەدى.

ۆانۋاتۋ

ۆانۋاتۋ - ازيا-تىنىق مۇحيتى ايماعىنداعى ەل ەكونوميكاسىنا ينۆەستيتسيا سالۋ ءۇشىن ءتولقۇجاتىن ۇسىناتىن جالعىز ەل. ازاماتتىق الۋ كوپ ۋاقىت المايدى. ءبىر ايدان ەكى ايعا دەيىن كۇتۋ قاجەت. تولەم مولشەرى وتباسىنىڭ سانىنا بايلانىستى. ءوتىنىم بەرۋ ءبىر ادامعا 220000 دوللار جانە ءتورت ادامنان تۇراتىن وتباسى ءۇشىن 280000 دوللار تولەۋ قاجەت.

massaget.kz