قازاقستان مەكتەپتەرىندە پاتريوتيزم تۋرالى جاڭا ساباق وتەدى

نۇر- سۇلتان. قازاقپارات - جاڭا وقۋ جىلىنان باستاپ قازاقستاندا مەكتەپ وقۋشىلارى «پاتريوتيزم جانە جاھاندىق قۇزىرەتتەر» اتتى كۋرستان وتپەك.

بۇل تۋرالى ى. التىنسارين اتىنداعى ۇلتتىق ءبىلىم اكادەمياسىنىڭ پرەزيدەنتى ءمادينا تىنىبايەۆا ءمالىم ەتتى، دەپ حابارلايدى قازاقپارات ءتىلشىسى.

«پاتريوتيزم جانە جاھاندىق قۇزىرەتتەر» اتتى كۋرس 5-11 سىنىپ وقۋشىلارىنا ارنالعان. ونىڭ ماقساتى - بالانىڭ تالداۋ قابىلەتى مەن شەبەرلىگىن دامىتۋ. بۇگىندە جاڭا جوبا وڭىرلىك ادىستەمەلىك ورتالىقتارعا تانىسۋ ماقساتىندا جىبەرىلدى. سول سياقتى جاڭا كۋرسقا قاتىستى ءتۇسىندىرۋ جۇمىستارى ءجۇرىپ جاتىر»، - دەدى ءمادينا تىنىبايەۆا ق ر ءبىلىم جانە عىلىم مينيسترلىگىندە وتكەن اپپارات جينالىسىندا.

وقۋشىلارعا ارنالعان جاڭا ساباق 2022-2023 وقۋ جىلىندا قولدانىسقا ەنگىزىلمەك. «پاتريوتيزم جانە جاھاندىق قۇزىرەتتەر» كۋرسى 5-9 سىنىپتاردا كەلەسى سالالاردى قامتيدى. پاراساتتىلىق جانە ادەپ، ەكولوگيا مادەنيەتى، ازاماتتىق جانە پاتريوتيزم، ءومىر قاۋىپسىزدىگى، مەديا جانە قارجىلىق ساۋاتتىلىق. ال 10-11 سىنىپتاردا «پاتريوتيزم جانە جاھاندىق قۇزىرەتتەر». بۇعان دەيىن مينيستر اسحات ايماعامبەتوۆ اتالعان جيىندا مەكتەپتەردەگى اتا- انالار جينالىسىن وتكىزۋ فورماتىن سىنعا العان ەدى.

اۆتور: ءالي يبرايەۆ