پاۆلودار وبلىسىندا بالالارى تۇندە قىدىرىپ جۇرگەنى ءۇشىن مىڭنان استام اتا-انا جازالاندى

«پوليتسياعا پاۆلودارداعى چوكين كوشەسىنىڭ بويىنداعى اۋلادا جاسوسپىرىمدەردىڭ شۋلاپ جاتقانىن حابارلاپ، ءبىر ايەل قوڭىراۋ شالعان. سول جەرگە بارعان پوليتسەيلەر پوليتسيا بولىمىنە جاسوسپىرىمدەر مەن ولاردىڭ اتا-انالارىن جەتكىزدى. ناتيجەسىندە، ولار ق ر اكىمشىلىك قۇقىق بۇزۋشىلىق كودەكسىنىڭ 442-بابى 2-بولىگى بويىنشا جاۋاپقا تارتىلدى. بالالارمەن، ولاردىڭ اتا- انالارىمەن پروفيلاكتيكالىق اڭگىمەلەسۋ جۇرگىزىلدى» ، - دەدى پاۆلودار وبلىستىق پ د باسپا ءسوز قىزمەتىنەن.

2022 -جىلدىڭ باسىنان باستاپ پاۆلودار وبلىسىندا پوليتسيا بالالاردى تاربيەلەۋ، ءبىلىم بەرۋ جانە ولاردىڭ قۇقىقتارىن قورعاۋ جونىندەگى مىندەتتەرىن ورىنداماعانى ءۇشىن 200-گە جۋىق اتا- انا جانە زاڭدى وكىلدى جاۋاپقا تارتتى.

«2022 -جىلدىڭ 5 ايىندا بالالاردىڭ تۇنگى ۋاقىتتا ويىن-ساۋىق مەكەمەلەرىندە جانە تۇرعىن ۇيدەن تىس جەردە زاڭدى وكىلدەرىنسىز جۇرگەنى ءۇشىن 1029 اتا-انا جازاعا تارتىلدى. 25 ويىن-ساۋىق مەكەمەسىنىڭ يەسى جاسوسپىرىمدەردى ەرەسەكتەرسىز كىرگىزگەنى ءۇشىن جاۋاپكەرشىلىككە تارتىلدى»، - دەدى ۆەدومستۆودان.

اۆتور: اقبوپە ءابدراسۋل