كارىم ءماسىموۆتى قاماۋدا ۇستاۋ مەرزىمى تۋرالى اقپارات جاريالاندى

«ۇلتتىق قاۋىپسىزدىك كوميتەتىنىڭ شۇعىل- تەرگەۋ توبى ك. ك. ءماسىموۆ، ا. ت. سادىقۇلوۆ، د. ە. ەرعوجين جانە وزگە دە تۇلعالارعا قاتىستى ق ر قىلمىستىق كودەكسىنىڭ 175-بابى 1-بولىگى، 179-بابى 3-بولىگى، 218-بابى 3-بولىگىنىڭ 3-تارماعى، 362-بابى 4-بولىگىنىڭ 3-تارماعى، 366-بابى 4-بولىگى بويىنشا قىلمىستىق ءىستى تەرگەۋدى جالعاستىرىپ جاتىر. 2022 -جىلدىڭ 31 -مامىرىندا ءماسىموۆ پەن سادىقۇلوۆتى قاماۋدا ۇستاۋ مەرزىمى 2022 -جىلدىڭ 6-شىلدەسىنە دەيىن، ەرعوجيندى 2022 -جىلدىڭ 13 شىلدەسىنە دەيىن ۇزارتىلدى»، - دەدى ق ر ۇ ق ك باسپا ءسوز قىزمەتىنەن.

كارىم ءماسىموۆتى قاماۋدا ۇستاۋ مەرزىمى وسىعان دەيىن بىرنەشە رەت ۇزارتىلعان بولاتىن. بۇعان دەيىن سوت سانكتسيانى 2022 -جىلدىڭ 6-ماۋسىمىنا دەيىن بەرگەن ەدى. ەسكە سالايىق، بيىلعى 6-قاڭتاردا مەملەكەت باسشىسىنىڭ جارلىعىمەن كارىم قاجىمقان ۇلى ءماسىموۆ ق ر ۇلتتىق قاۋىپسىزدىك كوميتەتىنىڭ ءتوراعاسى لاۋازىمىنان بوساتىلىپ، 8-قاڭتاردا ك. ءماسىموۆ جانە وزگە دە تۇلعالار ۇستالىپ، ۋاقىتشا وقشاۋلاعىشقا قامالدى. ولاردىڭ ۇستىنەن مەملەكەتكە ساتقىندىق فاكتىسى بويىنشا سوتقا دەيىنگى تەرگەۋ باستالدى.

كارىم ماسىموۆكە قاتىستى قىلمىستىق ءىسى «وتە قۇپيا» بەلگىسىمەن تەرگەلىپ جاتىر. 22-اقپاندا ۇ ق ك ءتوراعاسىنىڭ بۇرىنعى ورىنباسارى ءوسىپوۆ م. س. ۇستالدى. وعان قاتىستى قاماۋدا ۇستاۋ شاراسى قولدانىلدى.

ۇ ك ك-نىڭ ەكس- ءتوراعاسى قازاقستاندىق بيزنەس قاۋىمداستىقتارىنان جانە شەتەلدىك سۋبەكت وكىلدەرىنەن جىلجىمايتىن مۇلىك، قىمبات سىيلىقتار، قوماقتى اقشالاي قاراجات الدى دەپ ايىپتالىپ وتىر.

سونداي-اق ءماسىموۆ پەن ونىڭ اينالاسىنداعىلار شەتەل بانكتەرىنە زاڭسىز شىعارعان اسا ءىرى مولشەردەگى اقشالاي قاراجاتتى ىزدەستىرۋ، بۇعاتتاۋ جانە قازاقستانعا قايتارۋ بويىنشا جۇمىس ۇيىمداستىرىلدى. ناتيجەسىندە 5,1 ميلليون ا ق ش دوللارى الىندى. ق ر باس پروكۋرورى بەرىك اسىلوۆ ۇلتتىق قاۋىپسىزدىك كوميتەتىنىڭ بۇرىنعى ءتوراعاسى 17 جىلعا دەيىن باس بوستاندىعىنان ايىرىلۋى مۇمكىن ەكەنىن ايتقان بولاتىن.