بەيجىڭدە ىندەتكە قارسى شەكتەۋلەر جەڭىلدەدى

ەسكە سالايىن، ءساۋىردىڭ اياعىندا قىتاي استاناسىندا وميكرونگ شتامى ءورشىپ كەتكەن ەدى. وسىنىڭ سالدارىنان ءدامحانالار اسىن تەك سىرتقا ساتىپ، بالاباقشالار جابىلدى. ال وقۋشىلار ونلاي وقۋعا اۋىسقان بولاتىن. بۇگىننەن باستاپ مەيرامحانالارعا قوناقتاردى قابىلداۋعا رۇقسات ەتىلدى، ءبىراق سانيتارلىق شارالاردى مۇقيات ساقتاۋى ءتيىس.

جوۋ حۋەيتسيۋن، مەيرامحانا قىزمەتكەرى:

- ورىن سانىن ەكى ەسە قىسقارتتىق. ارنايى شكافتا ىدىستى دەزينفەكتسيالاپ، كەيىن قايناعان سۋمەن وڭدەيمىز. ءاربىر قوناقتان سوڭ ورىندىق پەن وزگە زاتتاردى دەرەۋ زارارسىزداندىرامىز. ءار ەكى ساعات سايىن ەدەندى جۋىپ وتىرامىز.

20-ماۋسىمنان باستاپ بالاباقشالار جۇمىس ىستەي باستايدى. وزەن جاعاسىندا پ ت ر- تەستسىز سەرۋەندەۋگە بولادى. وندا بارلىق بوگەتتەردى الىپ تاستادى. ىندەت ورشىگەن كەزدە بارلىق قوعامدىق ورىن جابىلعاندىقتان، مۇندا دەمالۋشىلار سانى كۇرت كوبەيىپ، قورشاۋلار ورناتىلعان ەدى. ەندى پ ت ر- تەستى كۇن سايىن ەمەس، ءۇش كۇندە ءبىر رەت تاپسىرۋ قاجەت. دەگەنمەن شاھاردىڭ ەكى اۋدانىندا شەكتەۋلەر كۇشىندە قالدى.

www.24.kz