شىمكەنتتە مەكتەپ اۋماعىندا جالاڭاش جۇرگەن تۇرعىن اۋرۋحاناعا جاتقىزىلدى

شىمكەنت. قازاقپارات - ءال-فارابي اۋدانى پوليتسيا باسقارماسىنىڭ ۋچاسكەلىك ينسپەكتورلارى مەكتەپ اۋماعىندا جالاڭاش جۇرگەن ەر ادامدى انىقتادى، دەپ حابارلايدى قازاقپارات ءتىلشىسى.

قوعامدىق ورىندا كيىمسىز جۇرگەن ەر ادام شىمكەنت قالاسىنىڭ تۇرعىنى بولىپ شىقتى.

پوليتسيا قىزمەتكەرلەرى ونىڭ پسيحونەۆرولوگيالىق ديسپانسەردە ەسەپتە تۇراتىنىن انىقتادى. «پاتسيەنت ءبىر اي بۇرىن اۋرۋحانادان شىعارىلعان ەكەن. بۇگىن قايتادان اۋرۋحاناعا جاتقىزىلدى»، - دەلىنگەن شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى تاراتقان حابارلامادا.

اۆتور: قايرات زاينيشەۆ