قىتايدا جۇردەك پويىز رەلستەن شىعىپ، ماشينيست قازا تاپتى

سالدارىنان ءبىر ادام قازا تاۋىپ، سەگىزى جاراقات الدى، دەپ حابارلايدى قازاقپارات مەنشىكتى ءتىلشىسى قىتاي ورتالىق تەلەارناسىنا سىلتەمە جاساپ. D2809 پويىزى گۋيان قالاسىنان (گۋيجوۋ پروۆينتسياسى) گۋانجوۋگە (گۋاندۋن پروۆينسياسى) بارا جاتقان.

اپات جەرگىلىكتى ۋاقىتپەن ساعات 10:30-دا جۋنتسزيان ستانتسياسىندا بولعان. وندا كەنەت لاي كوشكىنى بولىپ، تەمىرجولدى باسىپ قالعان. توتەنشە جاعداي سالدارىنان جولاۋشىلار پويىزىنىڭ ەكى ۆاگونى رەلستەن شىعىپ كەتتى.

قىتاي ورتالىق تەلەارناسىنىڭ مالىمەتىنشە، قازا تاپقان ادام پويىزدىڭ ماشينيسى، ءبىر جولسەرىك پەن جەتى جولاۋشى جاراقات العان. زارداپ شەگۋشىلەر جەرگىلىكتى اۋرۋحاناعا جەتكىزىلىپ، ولارعا مەديتسينالىق كومەك كورسەتىلدى. قالعان 136 جولاۋشى شۇعىل ەۆاكۋاتسيالاندى.

وقيعانىڭ ءمان-جايى انىقتالىپ جاتىر. ت ج بولعان جەردە اپاتتىق- قۇتقارۋ جۇمىستارى ءجۇرىپ جاتىر.

اۆتور: اقبوپە ءابدراسۋل