رەفەرەندۋم كۇنى ەلوردادا قوعامدىق كولىك تەگىن جۇرەدى
نۇر-سۇلتان. قازاقپارات - 5-ماۋسىم (جەكسەنبى)، ياعني رەفەرەندۋم وتەتىن كۇنى ەلوردادا قوعامدىق كولىك تەگىن بولادى، دەپ حابارلايدى قالالىق اكىمدىكتىڭ باسپا ءسوز قىزمەتى.
تەگىن جول ءجۇرۋ قالا ماڭىنا قاتىنايتىن مارشرۋتتارعا دا قولدانىلادى.
اۆتوبۋستار ادەتتەگىدەي ساعات 06:00-دەن 23:00-گە دەيىن جۇرەدى.
ەستەرىڭىزگە سالا كەتەيىك، 2020 -جىلدىڭ ناۋرىز ايىنان باستاپ كامەلەتكە تولماعاندار ءۇشىن قوعامدىق كولىكتە تەگىن ءجۇرۋ جۇيەسى ەنگىزىلگەن.
بۇل شەشىم قالا ماڭىندا تۇراتىن بالالارعا دا قاتىستى. وسىلايشا، كامەلەتكە تولماعاندار ءۇشىن تەگىن جول ءجۇرۋ باستالعان بەرى 34 ميلليونعا جۋىق ساپار جاسالدى.
