ۆيتسە-مينيستر سۇلەيمەنوۆا جاھاندىق ەكوقور بويىنشا ۇلتتىق ۇيلەستىرۋشى بولىپ تاعايىندالدى
قازاقپارات بۇل تۋرالى ق ر ۇكىمەتىنىڭ باسشىسى ءاليحان سمايىلوۆتىڭ قاۋلىسىنا سىلتەمە جاساپ حابارلايدى.
«قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار ۆيتسە- ءمينيسترى ءزۇلفيا بولات قىزى سۇلەيمەنوۆا قازاقستان رەسپۋبليكاسىنان جاھاندىق ەكولوگيالىق قور (Global Environment Facility) بويىنشا ۇلتتىق ۇيلەستىرۋشى بولىپ تاعايىندالسىن»، - دەلىنگەن قۇجاتتا. قاۋلى قول قويىلعان كۇنىنەن باستاپ كۇشىنە ەنەدى.
ايتا كەتەيىك، ءزۇلفيا سۇلەيمەنوۆا 2020-2021 -جىلدارى - قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار مينيسترلىگىندە باسشىلىق قىزمەتتەر اتقارعان.
2021 -جىلعى قاڭتار 2022 -جىلعى ناۋرىز ارالىعىندا VII سايلانعان ق ر پارلامەنتى ءماجىلىسىنىڭ دەپۋتاتى بولدى. 2022 -جىلعى ناۋرىزدا بۇگىن اتقارىپ وتىرعان قىزمەتىنە تاعايىندالدى.
