قازاقستانداعى بيداي قورى جاڭا ەگىنگە دەيىن جەتكىلىكتى

اۋىل شارۋاشىلىعى ءمينيسترى قازاقستاننىڭ 15-ءساۋىر مەن 15-ماۋسىم ارالىعىندا بيداي مەن ۇن ەكسپورتىنا كۆوتا ەنگىزۋ تۋرالى شەشىم قابىلداعانىن ەسكە سالدى. بيداي كۆوتاسىنىڭ كولەمى 1 ميلليون توننا، ۇن شىعارۋعا - 300 مىڭ توننا بەلگىلەنگەن.

«قازىر بىزدە وندىرۋشىلەر دە، بيداي وڭدەۋشىلەر دە بالانسقا كەلدى. سوندىقتان نارىق تۇراقتى، جۇمىس ىستەپ جاتىرمىز. ءبىزدىڭ قورىمىز جاڭا ەگىنگە دەيىن جەتكىلىكتى»، - دەدى ەربول قاراشوكەيەۆ ۇكىمەتتە وتكەن بريفينگتە.

سونىمەن بىرگە ە. قاراشوكەيەۆ بيدايدىڭ الەمدىك باعاسىنىڭ وسۋىنە بايلانىستى ۇن تاپشىلىعى بولا ما دەگەن سۇراققا جاۋاپ بەردى.

«ۇن تاپشىلىعى جوق جانە بولمايدى»، - دەدى مينيستر. بۇعان دەيىن ەربول قاراشوكەيەۆ قازاقستاندا نان باعاسى تۇراقتى بولاتىنىن، ونىڭ قىمباتتاۋىنا ەش سەبەپ جوعىن ايتقان ەدى.