رەفەرەندۋم جاڭا ساياسي مادەنيەتتى دامىتۋ تۇرعىسىنان شەشۋشى قادام بولدى - ساراپشى
بۇل تۋرالى الەۋمەتتانۋ عىلىمىنىڭ دوكتورى، پروفەسسور زارەما شاۋكەنوۆا ايتتى، دەپ حابارلايدى قازاقپارات ءتىلشىسى.
ونىڭ ايتۋىنشا، قوعامنىڭ تالاپتارى پرەزيدەنتتىك ساياسي رەفورمالارلىڭ ءتورت پاكەتىندە ەسكەرىلىپ، ىسكە اسىرىلدى. وسى تۇرعىدا ماڭىزدى باستامالاردى جۇزەگە اسىرۋعا مۇمكىن بولدى.
بۇل ءوز كەزەگىندە قوعامدا ءوزارا جاۋاپكەرشىلىك پەن سەنىمنىڭ جاڭا ساياسي مادەنيەتىن قۇرۋدىڭ باستاۋى بولدى.
ساياسي وزگەرىستەر بارلىق دەڭگەيدە ازاماتتاردىڭ شەشىم قابىلداۋعا ءازىر ەكەنىن كورسەتتى. وسى ورايدا سۋپەرپرەزيدەنتتىك باسقارۋ تۇرىنەن تۇبەگەيلى باس تارتىپ، پارلامەنت پەن ءماسليحاتتاردىڭ وكىلەتتىگىن كۇشەيتۋگە ەكپىن قويىلىپ وتىر.
مەملەكەت باسشىسى اتالعان ستراتەگيالىق قادامدى ناقتى ىسكە اسىرۋ ءۇشىن پرەزيدەنت وكىلەتتىگىنە قاتىستى باستامالاردى ۇسىندى.
سونىمەن قاتار، بيلىكتىڭ وكىلدى تارماقتارىن قايتا قۇرۋ، سايلاۋ جۇيەسىن جەتىلدىرۋ، پارتيا جۇيەسىن دامىتۋ ءۇشىن مۇمكىندىكتەردى كەڭەيتۋ، داۋىس بەرۋ پروتسەسىن جاڭعىرتۋ، قۇقىق قورعاۋ ينستيتۋتتارىن كۇشەيتۋ، ب ا ق- تىڭ باسەكەگە قابىلەتتىگىن ارتتىرۋ مەن ازاماتتىق قوعام ينستيتۋتتارىنىڭ ءرولىن نىعايتۋ، ءبىرىنشى كەزەكتەگى داعدارىسقا قارسى ءىس-شارالاردى قامتۋ ەسكەرىلدى.
بۇل باستامالاردى ىسكە اسىرۋ باعىتىندا كونستيتۋتسيانىڭ 30 دان استام بابىنا تۇزەتۋلەر ەنگىزۋ كەرەك بولدى. بۇل رەتتە وسى وزگەرىستەردىڭ اۋقىمدىلىعىن ايتۋعا بولادى.
«قازىرگى كەزدە ۇسىنىلعان تۇزەتۋلەر قوعامدا كەڭىنەن تالقىلانعان بولاتىن. وسى تۇرعىدا پرەزيدەنتتىڭ ەل كونستيتۋتسياسىنا ەنگىزىلەتىن وزگەرىستەر جوباسىنا رەفەرەندۋم وتكىزۋ تۋرالى شەشىمى ەرەكشە ماڭىزدى دەپ ويلايمىن. بۇل ءوز كەزەگىندە جاڭا ساياسي مادەنيەتتى دامىتۋ تۇرعىسىنان شەشۋشى قادام. وسى ورايدا بۇكىل ساياسي جۇيەنى قايتا جاڭعىرتۋ، ونىڭ قۇقىقتىق نەگىزىن قۇرۋ دەگەندى بىلدىرەدى»، - دەدى ز. شاۋكەنوۆا.
بۇدان بۇرىن حابارلانعانداي، قازاقستاندا 10013 رەفەرەندۋم ۋچاسكەسى ىسكە قوسىلادى. ورتالىق رەفەرەندۋم كوميسسياسى بيۋللەتەندەردى دايىنداۋعا قاتىستى قاۋلى قابىلدادى.
