الەۋمەتتىك جەلىدە توقايەۆتىڭ فوتوسى قولدانىلعان جالعان اقپارات تارادى
جارنامادا ق ر پرەزيدەنتى قاسىم-جومارت توقايەۆتىڭ فوتوسۋرەتى قولدانىلعان، دەپ حابارلايدى قازاقپارات. تاراتىلىپ جاتقان حابارلامادا قوماقتى تابىستى Halyk Bank-كە ينۆەستيتسيا قۇيۋ ارقىلى تابۋعا بولادى- مىس.
Stopfake.kz سايتى انىقتاعانداي، Halyk Bank-تە اپتاسىنا كەمىندە 125 مىڭ تەڭگە تابىس تابۋعا كەپىلدىك بەرەتىن ينۆەستيتسيالىق باعدارلاما جوق.
«وزەكتى سالىمدار تۋرالى بارلىق اقپارات بانكتىڭ رەسمي سايتىندا جانە الەۋمەتتىك جەلىلەردەگى پاراقشالارىندا كورسەتىلگەن. تاراتىلعان جارنامانىڭ بانكتىڭ رەسمي پاراقشاسىندا ەمەس، KZ Invest 2022 دەپ اتالاتىن اككاۋنتتا جاريالانعانىنا نازار اۋدارعان ءجون. مۇنداي باعدارلاما بانكتە جوق. سونداي-اق، ەل پرەزيدەنتى قاسىم-جومارت توقايەۆ قازاقستاندىق بانكتەر ءوز سالىمشىلارىنا اپتا سايىن 125 مىڭ تەڭگەدەن باستاپ كىرىستى قامتاماسىز ەتە الادى دەپ مالىمدەگەن ەمەس. دەمەك، حابارلامانىڭ Halyk Bank-كە دە، مەملەكەت باسشىسىنا دا قاتىسى جوق. بۇل الاياقتاردىڭ ءىسى جانە وعان سەنبەگەن دۇرىس»، - دەلىنگەن سايتتا.
