شىمكەنتتە جاپپاي توبەلەسكە قاتىسقان وقۋشىلاردىڭ اتا-اناسى جازالانادى

الەۋمەتتىك جەلىدە وقۋشىلار اراسىنداعى جانجالدىڭ ۆيدەوسى تارادى. وندا ەكى جىگىتتىڭ ءبىرىن ءبىرى اياۋسىز ۇرىپ جاتقانىن كورۋگە بولادى. سونداي-اق، بەيعام وتىرعان بوزبالانى ەكىنشى جىگىت بەتىنەن تەۋىپ قۇلاتادى. ال، قاسىنداعى بالالار اراشا ءتۇسۋدىڭ ورنىنا ۆيدەوعا ءتۇسىرىپ، قىزىق كورگەن. ءال-فارابي اۋداندىق پوليتسيا ءبولىمىنىڭ قىزمەتكەرلەرى بۇل وقيعا 27-مامىر كۇنى قالاداعى كوپقاباتتى ۇيلەردىڭ اۋلاسىندا بولعانىن انىقتادى.

«توبەلەسكە قاتىسۋشىلاردىڭ ءبارى - كورشى سىنىپتاردا وقيتىن ءبىر مەكتەپتىڭ وقۋشىلارى. قازىرگى تاڭدا اتالعان جايت بويىنشا جان-جاقتى تەكسەرۋ جۇمىستارى ءجۇرىپ جاتىر. جاسوسپىرىمدەردىڭ اتا-اناسىنا اكىمشىلىك شارا قابىلدانادى»، - دەيدى شىمكەنت قالاسى پوليتسيا دەپارتامەنتىنىڭ رەسمي وكىلى سالتانات قاراكوزوۆا.

اۆتور: قايرات زاينيشەۆ