اللەرگيامەن اۋىراتىندار نەنى ءبىلۋى كەرەك

ق ر دسم ولار بۇل دەرتكە قاتىستى قانداي اقپاراتتاردى ءبىلۋى كەرەك ەكەنىن مالىمدەيدى. اللەرگەندەردىڭ ەكى مىڭنان استام ءتۇرى بەلگىلى. ولاردىڭ ىشىندەگى ەڭ كوپ تاراعاندارى - ءۇي كەنەلەرى، زەڭ، جانۋارلاردىڭ جۇندەرى، تاماق، ءدارى- دارمەكتەر، مەتالدار، شوپتەر مەن اعاشتاردىڭ توزاڭدارى.

ءدارى- دارمەكتەر دە انافيلاكتوگەندىك بولۋى، ياعني انافيلاكتيكالىق شوكقا دەيىن اۋىر اللەرگيالىق رەاكتسيالار تۋدىرۋى مۇمكىن. ەكىنشى ورىندا ازىق- تۇلىك. ۇشىنشىسىندە - زەڭ.

وسىمدىك توزاڭى، كەنەلەر مەن جانۋارلار وسىنداي وتكىر رەاكتسيالاردى تۋدىرمايدى.

ءار ادامدا اللەرگەنگە جەكە رەاكسيا بولۋى مۇمكىن: جۇمساق - كونتاكتىلى- اللەرگيالىق نەمەسە اتوپيالىق، دەرماتيت تۇرىندە - اۋىر ۋرتيكاريا، انافيلاكتيكالىق شوك، كۆينكەنىڭ ءىسىنۋى، جەدەل ىشەك ستەنوزى نەمەسە ستيۆەنس - دجونسون سيندرومى.

اللەرگيالىق اۋرۋلارمەن اۋىراتىن حالىقتىڭ %25 ىنىڭ شامامەن %75 ىندا ماۋسىمدىق رينيت بار.

اللەرگيالىق رينيت - بۇل وسىمدىك توزاڭى، ءۇي شاڭى، ساڭىراۋقۇلاق سپورالارى، ءجۇن سياقتى مۇرىننىڭ ءىسىنۋى مەن بىتەلۋى، مۇرىننىڭ شىرىشتى اعۋى، قىشۋ جانە قايتالاناتىن بىرنەشە رەت تۇشكىرۋمەن سيپاتتالاتىن ءارتۇرلى اللەرگەندەردەن تۋىنداعان مۇرىن شىرىشتى قابىعىنىڭ قابىنۋى. اللەرگيانىڭ سەبەبىن قالاي انىقتاۋعا بولادى زەرتحانالىق زەرتتەۋلەر ارقىلى قانداي اللەرگەننىڭ بەلگىلى ءبىر اۋرۋدىڭ قوزدىرعىشى بولعانىن انىقتاۋعا بولادى.

اللەرگودياگنوستيكا ەكى تۇرگە بولىنەدى - invitro نەمەسە پاتسيەنتتىڭ قانىن زەرتحانالىق زەرتتەۋ جانە invivo-تەرى - اللەرگيالىق تەستىلەۋ، ارانداتۋشىلىق سىناقتار. ەمدىك جوعارى سەزىمتالدىقتى قوسا العاندا، دياگنوستيكانىڭ بارلىق تۇرلەرى ەمدەلۋشىلەرگە اقىلى تۇردە دە، م ءا م س شەڭبەرىندە دە ەمدەۋشى دارىگەردىڭ جولداماسى بولعان كەزدە قولجەتىمدى بولادى. اۋرۋدىڭ تولىق جانە ايقىن كورىنىسىن الۋ ءۇشىن ناۋقاستى جان- جاقتى تەكسەرۋ قاجەت. م ءا م س شەڭبەرىندە مامانداندىرىلعان اللەرگولوگيالىق باعىت جۇزەگە اسىرىلادى:

* نۇر- سۇلتانداعى رەسپۋبليكالىق دياگنوستيكالىق ورتالىقتا (كلينيكالىق يممۋنولوگيا، اللەرگولوگيا جانە پۋلمونولوگيا بولىمشەسى)؛

* «اقساي» رەسپۋبليكالىق بالالار كلينيكالىق اۋرۋحاناسىندا؛

* الماتىداعى كارديولوگيا جانە ىشكى اۋرۋلار عىلىمي- زەرتتەۋ ينستيتۋتىنىڭ اللەرگولوگيا بولىمشەسىندە؛

* شىمكەنت كوپسالالى اۋرۋحاناسىنىڭ اللەرگولوگيا بولىمشەسىندە؛

* وبلىستىق ەمحانالار مەن اۋرۋحانالاردىڭ اللەرگولوگتارى ارقىلى. اللەرگيالىق رينيتتى ەمدەۋ ءۇش بولىككە بولىنەدى - الدىن- الۋ، سيمپتوماتيكالىق جانە پاتوگەنەتيكالىق ەمدەۋ.

ءبىرىنشى جاعدايدا الدىن الۋ شارالارى قورعانىس قۇرالدارى - ماسكالار، كوزىلدىرىكتەر، اللەرگەندى شىرىشتى قابىقپەن جۋۋ ارقىلى سەبەپ- سالدارلىق اللەرگەندەرمەن بايلانىسىن ازايتۋعا باعىتتالعان.

تەراپيانىڭ ەكىنشى بولىگى ەكى باعىتتان تۇرادى - مۇرىنعا سپرەي تۇرىندە تابلەتكا پرەپاراتتارى مەن توپيكالىق ستەرويدتەردى قابىلداۋ. ءۇشىنشى جاعدايدا بۇل اللەرگەنگە ءتان يممۋنوتەراپيا.