مايمىل شەشەگىنە كىمدەر ءجيى شالدىعاتىنى ايتىلدى

بۇل تۋرالى قازاقستاندا COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيا مالىمەتىندە ايتىلدى، دەپ حابارلايدى قازاقپارات. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، الەمدە مايمىل شەشەگى ينفەكتسياسىنىڭ راستالعان 402 جاعدايى جانە 24 ەلدە 120 بولجالدى دەرەگى بار. بۇل اۋرۋدىڭ د د ۇ ءۇشىن ەندەميالىق سانالمايتىن ءبىرقاتار ەلدە كەنەتتەن ءبىر ۋاقىتتا پايدا بولۋى

«بەلگىلى ءبىر ۋاقىت ىشىندە ۆيرۋستىڭ انىقتالماعان بەرىلۋ جولدارىنىڭ بولۋى مۇمكىن ەكەنىن كورسەتەدى»، - دەلىنگەن ددۇ اقپاراتتىق بيۋللەتەنىندە.

«ىندەتكە شالدىققانداردىڭ باسىم بولىگى - «ەر ادامدارمەن جىنىستىق قاتىناسقا تۇسكەن ەر ادامدار»، — دەلىنگەن حابارلامادا. مايمىل شەشەگى اۋرۋى الەم ەلدەرىندە 13-مامىردان باستاپ تارالا باستادى. سوڭعى ۋاقىتتا باتىس ەۋروپادا، ا ق ش- تا، كانادادا، ءب ا ءا- دە ينفەكسيانى جۇقتىرۋ وقيعالارى تىركەلدى.

ەسكە سالايىق، بۇعان دەيىن قازاقپارات ساراپشىسى «مايمىل شەشەگى كوروناۆيرۋس سەكىلدى ءورشىپ كەتۋى مۇمكىن بە؟» دەگەن سۇراققا جاۋاپ ىزدەپ كورگەن بولاتىن.