ەۋروپا ەلدەرىندە تۇراتىن ادامدار سانى ازايۋدا

2001 -جىلى وداقتا 429 ميلليون ادام ءومىر سۇرگەن. حالىقتىڭ تابيعي ءوسىمى، ياعني تۋۋ مەن ءولىم اراسىنداعى ايىرماشىلىق 2020 -جىلى -2,5-كە دەيىن تومەندەدى. بۇل COVID-19-عا بايلانىستى بولۋى مۇمكىن، ويتكەنى پاندەميا رەسمي مالىمەتتەرگە سايكەس ە و بويىنشا شامامەن 1,09 ميلليون ادامنىڭ ءومىرىن قيدى.

65 جاستان اسقان ادامدار قازىر بلوك حالقىنىڭ بەستەن ءبىرىن قۇرايدى، ال 80 جانە ودان جوعارى جاستاعى ادامداردىڭ سانى سوڭعى ەكى ونجىلدىقتا 2001 –جىلعى % 3- دان % 6- عا دەيىن ەكى ەسە ءوستى. سونىمەن قاتار، 20 جاسقا دەيىنگى ادامداردىڭ سانى 2001 –جىلعى % 23- دان 2021 –جىلى % 20- عا دەيىن ازايدى.

ەۋروستات دەرەكتەرى سونداي- اق ايەلدەردىڭ ەرلەرگە قاراعاندا شامامەن % 5 كوپ ەكەنىن جانە بۇل اراقاتىناس اسىرەسە بالتىق ەلدەرىندە بىركەلكى ەمەس ەكەنىن كورسەتەدى. لاتۆياداعى، ليتۆاداعى جانە ەستونياداعى ايەلدەردىڭ سانى ەركەكتەرگە قاراعاندا سايكەسىنشە % 16،% 13 جانە % 10 كوپ. الايدا، وداققا مۇشە مەملەكەتتەر ىشىندە ايەلدەرگە قاراعاندا ەر ادامدار كوپ ەلدەر بار. ولار مالتا، ليۋكسەمبۋرگ، شۆەتسيا جانە سلوۆەنيا.

اۆتور: سماعۇلوۆا ەركەجان