قىرعىزستان قارۋلى كۇشتەردىڭ قاۋىپسىزدىگىنە ەرەكشە نازار اۋدارماق
بۇل تۋرالى كەشە قىرعىزستان قارۋلى كۇشتەرىنىڭ 30 جىلدىعىنا ارنالعان سالتاناتتى شارادا سول ەلدىڭ پرەزيدەنتى سادىر جاپاروۆ ايتتى، دەپ حابارلايدى قازاقپاراتتىڭ مەنشىكتى ءتىلشىسى.
«ءتيىمدى قارۋلى كۇشتەردى قۇرۋ - ەلىمىزدىڭ ۇلتتىق قاۋىپسىزدىگىن قامتاماسىز ەتۋدىڭ باستى مىندەتى»، - دەدى قىرعىزستان باسشىسى.
س. جاپاروۆتىڭ ايتۋىنشا، جاقىن ارادا قاۋىپسىزدىك كەڭەسى ەلدىڭ قارۋلى كۇشتەرىنىڭ جاڭا اسكەري دوكتريناسىنىڭ جوباسىن، اتاپ ايتقاندا، ولاردىڭ جاۋىنگەرلىك الەۋەتىن ارتتىرۋدى قاراستىرادى. وتكەن جىلى اسكەري قىزمەتكەرلەردىڭ جالاقىسى كوتەرىلدى. سونىمەن بىرگە قارۋلى كۇشتەردە جۇمىس ىستەيتىن ازاماتتىق قىزمەتكەرلەردىڭ جالاقىسىن ارتتىرۋ بويىنشا جاڭا ۇسىنىستار قاراستىرىلۋدا.
اۆتور: سماعۇلوۆا ەركەجان
