جانكۇيەرلەردىڭ قىلىعى ءۇشىن ۋ ە ف ا قازاقستان فۋتبول فەدەراتسياسىنا ايىپپۇل سالدى
مۇنداي ايىپقا قازاقستان فۋتبول فەدەراتسياسى ۇلتتار ليگاسى اياسىندا مولدوۆامەن بيىل 29- ناۋرىزدا وتكەن ويىن كەزىندە جانكۇيەرلەردىڭ تريبۋنادان زات لاقتىرىپ، الاڭعا جۇگىرىپ شىققانى ءۇشىن ىلىگىپ وتىر. وسىعان وراي قازاقستان فۋتبول فەدەراتسياسى جانكۇيەرلەردىڭ قولداۋىنا العىسىن بىلدىرە وتىرىپ، ۇلتتار ليگاسىندا 3- ماۋسىم كۇنى ەلوردادا «استانا ارەنادا» ازەربايجان قۇراماسىمەن وتەتىن ماتچ قارساڭىندا ۇندەۋ جاريالادى.
«مۇنداي ارەكەتتەر جالعاساتىن بولسا، ۋ ە ف ا ۇلتتىق قۇرامانىڭ ويىندارىنا ودان دا قاتاڭ تالاپ قويۋى ىقتيمال. ماسەلەن، ۇلتتىق قۇرامانىڭ ماتچتارىنا جانكۇيەرلەردى قاتىستىرماۋ تۋرالى شەشىم شىعارۋى مۇمكىن. سول سەبەپتى الداعى ويىنداردا قولداۋدىڭ جوعارى ءارى مادەنيەتتى دەڭگەيىن كورسەتۋگە شاقىرامىز. تۇسىنىستىك تانىتقان ءار جانكۇيەرگە ىستىق ىقىلاسىمىزدى ءبىلدىرىپ، ۇلتتىق قۇرامانى ءارقاشان قولدايدى ۇمىتتەنەمىز» دەلىنگەن وندا.
اۆتور: ەلجان ەرالى
