قازاقستاندىق ديپلوماتتار مەن وزبەك ساراپشىلارى رەفەرەندۋم ماسەلەسىن تالقىلادى
ءوز سوزىندە قازاقستاننىڭ وزبەكستانداعى ەلشىسى دارحان ساتىبالدى الداعى رەفەرەندۋمنىڭ ماڭىزىن اتاپ ءوتتى.
«كونستيتۋتسيالىق رەفورمالار «سۋپەرپرەزيدەنتتىك» باسقارۋ فورماسىنان ىقپالدى پارلامەنتى مەن ەسەپ بەرەتىن ۇكىمەتى بار پرەزيدەنتتىك رەسپۋبليكاعا تۇپكىلىكتى كوشۋدى بەكىتۋگە، بۇكىل مەملەكەتتىك مودەلدى ترانسفورماتسيالاۋعا، بيلىك تارماقتارى اراسىنداعى ءوزارا قارىم-قاتىناستىڭ وڭتايلى تەڭگەرىمىن قالىپتاستىرۋعا، مەملەكەت پەن قوعامنىڭ ءتيىمدى ديالوگىن قۇرۋعا ارنالعان»، - دەدى ديپلومات.
پروفەسسور زاكير ۋسمانوۆ جاڭا قازاقستاننىڭ قۇرىلۋىنا باعىتتالعان الداعى ترانسفورماتسيالارعا وڭ باعا بەرىپ، قوعامدى دەموكراتيالاندىرۋ جولىنداعى باستى مىندەت - دەموكراتيالىق رەفورمالاردى ودان ءارى ىلگەرىلەتۋ، ەلدىڭ ساياسي، الەۋمەتتىك-ەكونوميكالىق جانە مادەني دامۋى ءۇشىن كونستيتۋتسيانى جەتىلدىرۋ ەكەنىن اتاپ ءوتتى.
«ءبىلىم كەرۋەنى» مەملەكەتتىك ەمەس عىلىمي مەكەمەسىنىڭ باسشىسى فارحود توليپوۆ قازاقستان مەن وزبەكستان اراسىنداعى ديپلوماتيالىق قارىم-قاتىناستاردىڭ ورناعانىنا 30 جىل تولۋىنا ارنالعان بايانداماسىندا بارلىق دەڭگەيلەردە قارقىندى دامىپ كەلە جاتقان ەكىجاقتى قاتىناستاردىڭ دامۋىنىڭ ماڭىزدى اسپەكتىلەرىن اتاپ ءوتتى. وزبەكستاندىق ساراپشىلار قازاقستاندىق قوعامدى ودان ءارى ىلگەرىلەتۋدىڭ باستى فاكتورى رەتىندە توپتاستىرۋ ماقساتىن قولدايتىنىن ءبىلدىردى. سونداي-اق، قاتىسۋشىلار ەكىجاقتى ىنتىماقتاستىقتىڭ جاي-كۇيى مەن كەلەشگىن تالقىلاپ، قازاقستان مەن وزبەكستان اراسىنداعى ءوزارا ءىس-قيمىلدى كەڭەيتۋدىڭ جاڭا باعىتتارىن بەلگىلەدى.
