بولات ءابىلوۆ جاڭا ساياسي پارتيا قۇرادى
«بۇگىن Bizdin Tandau ساياسي پارتياسىن قۇراتىنىمىزدى مالىمدەيمىز. بۇل - ءبىزدىڭ دەموكراتيا، بوستاندىق، ادىلەت ءۇشىن تاڭداۋىمىز»، - دەدى ول باسپا ءسوز ءماسليحاتىندا.
بۇل ۇيىم ق ر كونستيتۋتسياسىنا وزگەرىستەردى جانە سۋپەرپرەزيدەنتتىك باسقارۋ نىسانىنان پارلامەنتتىك باسقارۋ نىسانىنا كوشۋدى قولدايدى.
سونداي-اق، جاڭا پارتيا قازاقستاننىڭ ەۋرازيالىق ەكونوميكالىق وداقتان (ە ا ە و) جانە ۇجىمدىق قاۋىپسىزدىك تۋرالى شارت ۇيىمىنان (ۇ ق ش ۇ) شىعۋىن جانە «سامۇرىق-قازىنا» قورىن جويۋدى ۇسىنىپ وتىر.
بۇعان دەيىن حابارلانعانداي، قازىرگى ۋاقىتتا قازاقستاندا ءتورت جاڭا ساياسي پارتيانىڭ قۇجاتتارى قارالىپ جاتىر.
2019-جىلدان بەرى ساياسي پارتيانى تىركەۋگە 10 باستاماشىل توپ ءوز قۇجاتتارىن تاپسىردى.
ولار - «حالىق دەربەستى»، «ەل تىرەگى»، «نامىس»، «بايتەرەك».
وسىدان ءبىر اي بۇرىن قازاقستان قۇرىلىسشىلار وداعى «ەڭبەك» پارتياسىن قۇراتىنىن جاريالاعان ەدى.