رومان سكليار قازاقستاندا كولىكتىڭ قىمباتتاۋ سەبەبىن ءتۇسىندىردى

بۇل تۋرالى ق ر ۇكىمەت باسشىسىنىڭ ءبىرىنشى ورىنباسارى رومان سكليار ءمالىم ەتتى، دەپ حابارلايدى قازاقپارات ءتىلشىسى.

«اۆتوكولىكتىڭ قىمباتتاۋىنا قاتىستى الەمدىك ترەند بارشامىزعا ءمالىم. ەگەر كورەيالىق ماركاداعى تانىمال كولىكتەر بىزدە قىمباتتاسا، بۇل اۆتومويلدەرگە بارشا الەمدە دە باعانىڭ وسكەنىن كورۋگە بولادى. اتاپ ايتقاندا، مەتالل قۇنى، تاسىمالداۋ قىزمەتتەرى، لوگيستيكا قىمباتتادى. وسىنىڭ بارلىعى وبەكتيۆتى ترەند جانە ونىڭ اسەرىنەن اينالىپ كەتە المايمىز»، - دەدى ر. سكليار ەلوردادا مۇناي- گاز ماشينا جاساۋ سالاسىن دامىتۋعا ارنالعان فورۋمدا تىلشىلەر ساۋالىنا جاۋاپ بەرە وتىرىپ.

ونىڭ ايتۋىنشا، اۆتوديلەرلەر قولدانىستاعى زاڭناما اياسىندا ءوزىنىڭ قىزمەتىن جۇرگىزىپ جاتىر. «ولار شەتەلدەن اۆتوموبيل ساتىپ الىپ، ونىڭ ءبارىن زاڭنامالىق نەگىزدە وتكىزە الادى. الايدا اۆتوسالونداردا قوسىمشا قىزمەتتەردى الۋعا ماجبۇرلەيتىندەرگە قاتىستى توقتالساق، ولاردىڭ جۇمىسىن ءتيىستى مەملەكەتتىك ورگاندار تەكسەرۋى كەرەك»، - دەدى ۇكىمەت باسشىسىنىڭ ورىنباسارى. بۇدان بۇرىن حابارلاعانداي، 16-مامىردان بانكتەر جەڭىلدەتىلگەن اۆتونەسيەگە ءوتىنىمدى قابىلداۋدى باستايدى. جاقىندا يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ اۆتونەسيە شارتتارى بەكىتىلگەنىن ايتقان ەدى.