قانداس مارتەبەسىن ەلەكتروندى فورماتتا تەگىن الۋعا بولادى
ەندى eGov.kz پورتالىندا پايدالانۋشى وزىنە، سونداي-اق وتباسىنىڭ بارلىق مۇشەلەرىنە اتالعان قىزمەتكە ونلاين تاپسىرىس بەرە الادى. قىزمەت جەكە تۇلعالارعا تەگىن كورسەتىلەدى. پايدالانۋشىلارعا قويىلاتىن مىندەتتى تالاپتار – ج س ن جانە ە س ق بولۋى. بۇل جاڭارتۋلار ق ر پرەزيدەنتىن بيۋروكراتياسىزداندىرۋ تۋرالى جارلىعى اياسىندا جۇزەگە اسىرىلدى. جارعىنىڭ نەگىزگى ءمانى - سيفرلىق ترانسفورماتسيا جانە مەملەكەتتىك باسقارۋدىڭ بارلىق سالالارىنىڭ جۇيەلى رەينجينيرينگى بولىپ تابىلادى.
«ءبىز مەملەكەتتىك قىزمەتتەردى ونلاين فورماتقا كوشىرۋ بويىنشا بەلسەندى جۇمىس جۇرگىزىپ جاتىرمىز. بۇرىن اتالعان قىزمەت ح ق ك و مەن جەرگىلىكتى اتقارۋشى ورگاندار ارقىلى وففلاين تۇرىندە كورسەتىلگەنىن اتاپ وتكىم كەلەدى. ەندى ح ق ك و بارماي-اق، قىزمەتتى eGov.kz ەلەكتروندىق ۇكىمەت پورتالى ارقىلى ونلاين الۋعا بولادى. بۇل قىزمەتتىڭ ازاماتتار ءۇشىن ماڭىزدىلىعىن تۇسىنە وتىرىپ، ءبىز قىزمەتتى الۋ پروتسەسىن جەڭىلدەتتىك»، - دەپ اتاپ ءوتتى «ۇلتتىق اقپاراتتىق تەحنولوگيالار» ا ق باسقارما ءتوراعاسى روستيسلاۆ كونياشكين.
قىزمەتتى قولدانۋ ءۇشىن پايدالانۋشى «ەلەكتروندىق ۇكىمەت» (eGov.kz) پورتالىندا قاجەتتى قىزمەت ءتۇرىن تاڭدايدى: قانداس مارتەبەسىن بەرۋ نەمەسە ۇزارتۋ. تاڭدالعان قىزمەت تۇرىنە سايكەس پايدالانۋشى مارتەبەسىن الۋ ءۇشىن ق ر ەڭبەك جانە حالىقتى الەۋمەتتىك قورعاۋ مينيسترلىگى اقپاراتتىق جۇيەسى ارقىلى تەكسەرۋ جۇزەگە اسىرىلاتىن بولادى.
بارلىق مىندەتتى جولداردى تولتىرىپ، سۇراتىلعان قۇجاتتاردى قوسا تىركەۋ قاجەت (فايلدار pdf نەمەسە jpg فورماتىندا).
سونداي-اق ءوتىنىم بەرگەن كەزدە پايدالانۋشى قانداس مارتەبەسىن بەرۋ نەمەسە ۇزارتۋ قاجەت وتباسى مۇشەلەرى بويىنشا مالىمەتتەردى تولتىرا الادى. وتباسى مۇشەلەرىنىڭ سانىنا شەكتەۋ جوق. بۇدان ءارى قول قويۋدىڭ قولجەتىمدى ادىستەرىنىڭ بىرىمەن وتىنىمگە قول قويۋ قاجەت.
قىزمەت كورسەتۋ ناتيجەسى - قانداس كۋالىگى، جەرگىلىكتى اتقارۋشى ورگاننىڭ قانداس مارتەبەسىن ۇزارتۋ تۋرالى شەشىمى نە ەلەكتروندىق قۇجات نىسانىندا پايدالانۋشىنىڭ «جەكە كابينەتىنە» جىبەرىلگەن مەملەكەتتىك قىزمەت كورسەتۋدەن دالەلدى باس تارتۋ بولىپ تابىلادى.
مەملەكەتتىك قىزمەتتى كورسەتۋ مەرزىمى - 4 جۇمىس كۇنى ىشىندە. سونداي-اق قىزمەت كورسەتۋ قورىتىندىسى بويىنشا قانداس كۋالىگى egov.kz پورتالىنىڭ «سيفرلىق قۇجاتتار» بولىمىندە جانە Egov Mobile قوسىمشاسىندا پايدا بولادى. قىزمەت سونداي-اق نۇر-سۇلتان، الماتى جانە شىمكەنت قالالارىنىڭ، اۋدانداردىڭ جانە وبلىستىق ماڭىزى بار قالالاردىڭ ح ق ك و-نىڭ جانە جەرگىلىكتى اتقارۋشى ورگاندارىندا كورسەتىلەدى.
