20:54, 12 - مامىر 2022 | GMT +5
بيۆولدان جەڭىلگەنىن مويىنداعان «كانەلو» ءسوز بەردى
نۇر-سۇلتان. قازاقپارات - مەكسيكالىق بىلعارى قولعاپ شەبەرى ساۋل «كانەلو» الۆارەس (57-2-2، 39 ك و) رەسەيلىك دميتري بيۆولمەن (20-0، 11 ك و) الدىنا الا جاساسقان كەلىسسوزىندە جازىلعان ريەۆانش پۋنكتىن قولدانادى، دەپ جازادى Vesti.kz ءتىلشىسى.
Matchroom Boxing باسشىسى ەددي حيرن «كانەلومەن» ريەۆانشقا قاتىستى اڭگىمەلەسكەن.
«كانەلو» جەڭىلىستەن كەيىن ءتۇڭىلىپ كەتتى». سوندا مەن: «قانداي جوسپارىڭ بار؟ كەلەسى جەكپە-جەك قانداي بولادى؟» ول ماعان: «بيۆولمەن ريەۆانش جاساعىم كەلەدى. ونى جەڭە الاتىنىمدى بىلەمىن» دەدى.
اڭگىمە بارىسىندا الۆارەسكە: «بۇل ماسەلە بويىنشا ساعان دۇرىس شەشىم قابىلداۋ كەرەك. ەگەر تاعى دا جەڭىلىپ جاتساڭ، كارەراڭا نۇقسان كەلەدى»، - دەدىم. «جوق. بۇل جولى جەڭىلمەيمىن»، - دەپ جازادى vRINGe.com باسىلىمى مەكسيكالىقتىڭ ءسوزىن نەگىزگە الىپ.
