شىمكەنتتە بەس بالانىڭ اناسى دۇنيەگە ۇشەم اكەلدى

شىمكەنت. قازاقپارات - شىمكەنتتە 33 جاسىندا ۇشەم بوسانعان قالا تۇرعىنى گۇلميرا يۋسۋپوۆا سەگىز بالانىڭ اناسى بولدى، دەپ حابارلايدى قازاقپارات ءتىلشىسى.

شىمكەنت قالالىق پەريناتالدىق ورتالىقتىڭ دارىگەرلەرى ءۇش ءسابي مەن اناسىن بۇگىن پەرزەنتحانادان ءسان-سالتاناتپەن شىعارىپ سالدى.

ايسۇلتان، ءاليا جانە سوفيا ەسىمدى سابيلەردىڭ قازىرگى جاعدايى قالىپتى. ۇشەم 24- ءساۋىر كۇنى 35 اپتالىق كەزىندە جاساندى تىلىك ارقىلى تۋعان.

سابيلەردىڭ سالماعى 2000-2470 گرام ارالىعىندا، بويلارى 40-42 سانتيمەتردى قۇرايدى.

بۇگىندە نارەستەلەر سالماق قوسىپ، دەنساۋلىعى جاقسارعان.

ايتا كەتەيىك، جىل باسىنان بەرى قالادا 10649 ءسابي دۇنيە ەسىگىن اشقان. ونىڭ 5165 ءى — قىز بالا بولسا، 5484 ءى — ۇل بالا.