سولتۇستىك كورەيا ەلدە كوروناۆيرۋستىڭ العاشقى جاعدايى تىركەلگەنىن مالىمدەدى
بۇعان دەيىن كورەي حالىق دەموكراتيالىق رەسپۋبليكاسىنىڭ بيلىگى پاندەميا باستالعالى ەلدە كوروناۆيرۋس ينفەكسياسىن جۇقتىرۋدىڭ بىردە-ءبىر جاعدايى تىركەلمەگەنىن مالىمدەپ كەلگەن بولاتىن. پحەنياندا جەكسەنبى كۇنى پاتسيەنتتەردەن الىنعان سىناما كوروناۆيرۋستىڭ «وميكرون» شتامىمەن سايكەس كەلەتىنىن كورسەتكەن. ىندەتپەن بايلانىستى ەلدەگى «اسا كۇردەلى توتەنشە جاعدايدى» تالقىلاۋ ءۇشىن پحەنياندا پرەزيدەنت كيم چەن ىننىڭ قاتىسۋىمەن ساياسي بيۋرو وتىرىسى ءوتتى. وتىرىس بارىسىندا كيم چەن ىن «كۇتپەگەن داعدارىستى» ەڭسەرۋگە ۋادە ەتىپ، بارلىق شەنەۋنىككە ۆيرۋستىڭ تارالۋىنا ىقپال ەتۋى مۇمكىن بارلىق جولداردى بۇعاتتاۋدى تاپسىردى. سونداي-اق ول شەكارا بويىندا، سونىڭ ىشىندە تەڭىزدە جانە اۋەدە قىراعىلىقتى كۇشەيتۋدى جۇكتەدى. اتاپ وتىلگەندەي، مۇنداعى ماقسات - ەلدى باسقارۋدا تۇراقتىلىقتى قامتاماسىز ەتۋ، ۆيرۋستىڭ تارالۋىن اۋىزدىقتاۋ، سونداي-اق «ىندەت وشاعىن قىسقا ۋاقىتتا جويۋ ءۇشىن» انىقتالعان ناۋقاستاردى ەمدەۋ.
