الماتىدا باسىنا وق تيگەن ەر ادامعا شۇعىل تۇردە وپەراتسيا جاسالدى

الماتى. قازاقپارات - ورتالىق قالالىق كلينيكالىق اۋرۋحانانىڭ نەيروحيرۋرگتارى باسىنا وق تيگەن ادامعا كۇردەلى وپەراتسيا جاسادى.

ناۋقاستىڭ جاعدايى اۋىر، دەپ حابارلايدى قازاقپارات ءتىلشىسى.

«ناۋقاس ورتالىق قالالىق كلينيكالىق اۋرۋحاناعا باس ميىنىڭ اشىق جاراقاتىمەن ءتۇستى. دارىگەرلەر وعان شۇعىل تۇردە وپەراتسيا جاسادى. قازىر ناۋقاستىڭ جاعدايى اۋىر تۇراقتى دەپ باعالانىپ وتىر»، - دەپ جاۋاپ بەردى الماتى قالالىق قوعامدىق دەنساۋلىق ساقتاۋ باسقارماسىنان.

بۇعان دەيىن الماتىدا 39 جاستاعى ەر ادام ەكى تانىسىنا تراۆماتيكالىق تاپانشادان وق اتقانى تۋرالى جازعان ەدىك.

اتالعان فاكت ق ر قىلمىستىق كودەكسىنىڭ 293-بابى 3-بولىگى بويىنشا سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە تىركەلدى.

1983-جىلى تۋعان ۋ. ەسىمدى كۇدىكتى ۇستالىپ، قاماۋعا الىندى. بەلگىلى بولعانىنداي، مەدەۋ اۋدانىنا قاراستى شاعىن اۋدانداردىڭ بىرىندە تۇراتىن ءۇش ەر ادامنىڭ اراسىندا جانجال تۋىنداعان.

39 جاستاعى تۇرعىن تراۆماتيكالىق تاپانشادان 1973-جىلى تۋعان ب. جانە 1973-جىلى تۋعان گ. ەسىمدە ەكى ادامعا وق اتتى.