ۋكرايناداعى سوعىس ۇزاققا سوزىلۋى مۇمكىن

ال پەنتاگون قازىر ۋكريانادا كىمنىڭ جەڭىپ جاتقانى بەلگىسىز. احۋال تىعىرىققا تىرەلگەن. كەلەسى ايلاردا جاعداي قازىرگىدەن بەتەر شيەلەنىسۋى ىقتيمال دەپ وتىر.

ايتا كەتەيىك، رەسەي اسكەرى كييەۆتەگى ساتسىزدىكتەن كەيىن، ۋكراينانىڭ شىعىسىن باقىلاۋعا الۋعا كوشكەن، دەپ حابارلايدى «حابار 24».

ەۆريل حەينس، ا ق ش ۇلتتىق بارلاۋ ديرەكتورى:

- الداعى 2 ايداعى اسكەري قيمىلدار كوپ نارسەنى شەشۋى مۇمكىن. سەبەبى رەسەي كۇشتەرى شابۋىلدى ۇدەتۋى ىقتيمال. ءبىراق ولار دونباستا جەڭىسكە جەتكەننىڭ وزىندە بۇل سوعىس توقتايدى دەگەنگە كۇمانىمىز بار. سەبەبى پۋتين دونباستان تىس جەرلەردى دە باقىلاۋعا الۋدى كوزدەپ وتىر.

پرەزيدەنت ۆلاديمير زەلەنسكيدىڭ مالىمدەۋىنشە ۋكراينا كۇشتەرى قارسى شابۋىلعا كوشىپ، حاركوۆ وبلىسىنداعى اۋدانداردى ازات ەتە باستاعان. رەسەي كۇشتەرىنىڭ بىرنەشە اپتاعا سوزىلعان شابۋىلى ەش ناتيجە بەرمەگەنىن ايتتى.

ۆلاديمير زەلەنسكي، ۋكراينا پرەزيدەنتى:

- حاركوۆتان جاقسى جاڭالىقتار كەلىپ جاتىر. ءبىزدىڭ قارۋلى كۇشتەر حاركوۆ وبلىسىنان باسقىنشىلاردى بىرتىندەپ ىعىستىرىپ جاتىر. مەن ادام ايتقىسىز ەرلىك كورسەتىپ، جاۋعا قارسى تويتارىس بەرىپ جاتقان جاۋىنگەرلەرىمىزگە العىسىمدى بىلدىرەمىن.

دەگەنمەن اقپارات قۇرالدارى ۋكراينا كۇشتەرى ودەسسا ايماعىنداعى زمەينىي ارالىن قايتارىپ الۋعا تىرىسىپ كوپ شىعىنعا ۇشىراعىنىن حابارلادى. ارال ءۇشىن شايقاستا 30-عا جۋىق جاۋىنگەرىنەن ايىرىلعان. رەسەي قورعانىس مينيسترلىگى دە بۇل اقپاراتتى راستادى. ولار وتكەن كۇنى ۋكراياننىڭ تاعى ونداعان اسكەري نىسانى تالقاندالعانىن مالىمدەدى.

يگور كوناشەنكوۆ، رەسەي قورعانىس مينيسترلىگىنىڭ رەسمي وكىلى:

- كيەۆ رەجيمى زمەينىي ارالىن قايتا قايتارىپ الۋعا باعىتتالعان ءمانسىز ارەكەتى بارىسىندا ءۇش سۋ-24 جانە ءبىر سۋ-27 جويعىش اسكەري ۇشاعىنان ايىرىلدى. تاعى 9 تىكۇشاق اتىپ ءتۇسىرىلدى. ونىڭ ۇشەۋىنىڭ بورتىندا دەسانت بولدى. وسىمەن قاتار 3 كاتەرى جويىلدى.

www.24.kz