بۇقتىرما جاعالاۋى الاكول ۇلگىسىمەن دامىتىلادى

وسكەمەن. قازاقپارات - شىعىس قازاقستان وبلىسىنداعى بۇقتىرما سۋ قويماسىنىڭ جاعالاۋى الاكول ۇلگىسىمەن دامىتىلادى، دەپ حابارلايدى قازاقپارات ءتىلشىسى.

ش ق و اكىمدىگىنىڭ مالىمەتىنە سۇيەنسەك، جاز كەزىندە بۇقتىرما سۋ قويماسىنىڭ جاعالاۋىنا جەرگىلىكتى تۇرعىنداردان بولەك، رەسپۋبليكانىڭ تۇكپىر- تۇكپىرىنەن جۇرت اعىلادى. الداعى ۋاقىتتا بۇل دەمالىس ورنىن ءبىرقاتار وزگەرىس كۇتىپ تۇر.

«بۇقتىرماعا باراتىن تۋريستەرگە جايلى جاعداي جاسالۋى ءتيىس. الاكولدەگى سياقتى مۇندا دەمالىس ورنىنىڭ ينفراقۇرىلىمىن دامىتۋ قاجەت. ءتيىستى جۇمىستار بيىل باستالادى»، - دەدى ايماق باسشىسى دانيال احمەتوۆ.

ونىڭ ايتۋىنشا، دەمالىس بازالارىنداعى ءتۇرلى نىساندارعا قويىلاتىن تالاپتار قاتاڭداتىلادى. جايسىز، ەسكى عيماراتتاردىڭ ورنىنا جاڭالارىن سالعان ابزال.

«ماسەلەن، قازىر الاكولدە تۋريستەرگە قولايلى جاڭا قوناق ءۇي كەشەنى بوي كوتەردى. بۇقتىرماعا دا وسىنداي وزگەرىس كەرەك. حالىققا مۇندا جەتۋ ىڭعايلى بولۋ ءۇشىن وسينوۆ اسۋىن اينالىپ وتەتىن جول قۇرىلىسىن اياقتاۋ قاجەت»، - دەدى وبلىس اكىمى.

ەسكە سالايىق، مەملەكەت باسشىسى قاسىم- جومارت توقايەۆ بىلتىر 13-16- شىلدە ارالىعىندا ءتورت كۇندىك قىسقامەرزىمدى دەمالىسىن بۇقتىرما سۋ قويماسى اۋماعىندا وتكىزدى.

اۆتور: تالعاتجان مۇحامەتبەك ۇلى