رەسەيدىڭ كەبىن كيمەس ءۇشىن قىتاي ءوز ەكونوميكاسىن سىناقتان وتكىزۋدە

بۇل تۋرالى «زە گارديان» گازەتى (The Guardian) جازدى.

باسىلىمنىڭ حابارلاۋىنشا، اۋقىمدى تەستىلەۋ اقپان ايىنىڭ سوڭىندا باستالعان. وسىلايشا قىتاي ءتيىستى شارا ارقىلى ءوز ەكونوميكاسىنىڭ سانكسيالارعا قارسى الەۋەتىن بايقاپ كورمەك. سترەسس- تەستىلەۋگە بانكتەردەن باستاپ حالىقارالىق ساۋدامەن بايلانىسى بار بارلىق سالا قامتىلعان. ءساۋىر ايىندا قىتاي قارجى مينيسترلىگى جەرگىلىكتى جانە حالىقارالىق بانك وكىلدەرىمەن كەزدەسىپ، سانكسيا جاعدايىندا قىتاي اكتيۆتەرى قالاي قورعالادى دەگەن ماسەلەنى تالقىلادى.

ساراپشىلار «ماسەلە بەيجىڭ ايماقتىق قاقتىعىس نەمەسە وزگە داعدارىس بولا قالعان جاعدايدا باتىس ەلدەرى قىتايعا ءدال وسىنداي سانكسيالار سالا ما دەپ الاڭداپ وتىر»، - دەيدى.

ايتا كەتەيىك، ۆاشينگتون ەگەر بەيجىڭ رەسەيگە اسكەري نەمەسە ەكونوميكالىق قولداۋ كورسەتسە، سانكسيالار قولداناتىنىن ەسكەرتكەن بولاتىن.

www.24.kz