تارازدىقتار قازاقستاننىڭ ءبىرىنشى قورعانىس ءمينيسترى ساعادات نۇرماعامبەتوۆتى ەسكە الدى
تارازدا «وڭتۇستىك» ءو ڭ ق اسكەري قىزمەتشىلەرى قازاقستاننىڭ ءبىرىنشى قورعانىس ءمينيسترى، ارميا گەنەرالى ساعادات نۇرماعامبەتوۆتىڭ مەموريالدىق تاقتاسىنا گۇل شوقتارىن قويدى.
ەسكە سالا كەتەيىك، 2019-جىلى وتان قورعاۋشىلار كۇنىنە وراي تارازدا حالىق قاھارمانى جانە كەڭەس وداعىنىڭ باتىرى، تاۋەلسىز قازاقستاننىڭ تۇڭعىش قورعانىس ءمينيسترى ساعادات نۇرماعامبەتوۆتىڭ مەموريالدىق تاقتاسى سالتاناتتى تۇردە اشىلدى. تاراز قالاسى اكىمدىگىنىڭ شەشىمىمەن سول كەزدە سالىنىپ جاتقان «بايتەرەك» شاعىن اۋدانىنداعى جاڭا كوشەگە حالىق قاھارمانى ساعادات نۇرماعامبەتوۆتىڭ ەسىمى بەرىلدى.
نۇر-سۇلتان مەن تارازداعى مەكتەپتەرگە حالىق قاھارمانى ساعادات نۇرماعامبەتوۆتىڭ ەسىمى بەرىلدى.
«كەشە تارازدا «وڭتۇستىك» وڭىرلىك قولباسشىلىعى بولىمدەرىنىڭ اسكەري قىزمەتشىلەرى كاسىبي مەرەكەسى - وتان قورعاۋشىلار كۇنىنە سپورتتىق جۇگىرىس وتكىزدى، ول بيىل قازاقستان رەسپۋبليكاسى قارۋلى كۇشتەرىنىڭ 30 جىلدىعىمەن، سونداي-اق الداعى جەڭىس كۇنىمەن تۇسپا- تۇس كەلىپ وتىر»، - دەدى «وڭتۇستىك» وڭىرلىك قولباسشىلىعى باسپا ءسوز قىزمەتىنىنىڭ باسشىسى مايور دينا مۋحارينوۆا.
«وڭتۇستىك» وڭىرلىك قولباسشىلىعىنىڭ اسكەري وركەسترى تارازدىڭ ءىرى ساۋدا ورتالىعىندا وتان قورعاۋشىلار كۇنى مەن قازاقستان قارۋلى كۇشتەرىنىڭ 30 جىلدىعىنا ارنالعان كونسەرت بەردى.
اسكەري مۋزىكانتتاردىڭ قوعامدىق ورىنداردا ونەر كورسەتۋى تاراز قالاسىنىڭ تۇرعىندارى مەن قوناقتارىنىڭ قىزىعۋشىلىعىن تۋدىرعان.
