فۋتبولدان ءبىرىنشى ليگادا «وقجەتپەس» پەن «قايسار» كوش باسىندا كەلەدى

نۇر-سۇلتان. قازاقپارات - فۋتبولدان ءبىرىنشى ليگا كوماندالارى اراسىنداعى قازاقستان بىرىنشىلىگىنىڭ ءتورتىنشى تۋرى مارەسىنە جەتتى، دەپ حابارلايدى قازاقپارات ءتىلشىسى.

ءتورت تۋردان كەيىن ازىرگە كوكشەتاۋدىڭ «وقجەتپەسى» مەن قىزىلوردانىڭ «قايسارى» ۇپاي جوعالتقان جوق.

كەشە «وقجەتپەس» سىرت الاڭدا شىمكەنتتىڭ «وڭتۇستىك اكادەميا» كومانداسىن 1:0 ەسەبىمەن سۇرىندىرسە، «قايسار» ءوز الاڭىندا قاراعاندىنىڭ «شاحتەر - بولاتىنان» 4:0 ەسەبىمەن باسىم ءتۇستى.

اتالعان تۋرداعى وزگە ويىنداردىڭ ناتيجەسى مىناداي:

«يگىلىك» (جامبىل وبلىسى) - «ەكىباستۇز» (پاۆلودار وبلىسى) 1:0

«جەتىسۋ» (تالدىقورعان) - «قىران» (شىمكەنت) 0:1

«جەڭىس» (نۇر-سۇلتان) - «تاراز- كاراتاۋ» (جامبىل وبلىسى) 1:1

«ياسسى» (تۇركىستان) — «استانا م» (نۇرسۇلتان-) 6:0

بۇگىن، 9- مامىردا «بايقوڭىر» (قىزىلوردا) مەن «قايرات-جاستار» (الماتى) كوماندالارى ءتورتىنشى تۋردى تۇيىندەيدى.

اتالعان تۋردان كەيىن ازىرگە ۇپاي جوعالتپاعان «وقجەتپەس» پەن «قايسار» كوش باسىندا كەلەدى.

ەندى بەسىنشى تۋر ويىندارى 13، 14، 15- مامىر كۇندەرى وتكىزىلەدى.

ەسكە سالساق، بۇدان بۇرىن پرەمەر-ليگا كوماندالارى اراسىنداعى قازاقستان بىرىنشىلىگىنىڭ ونىنشى تۋرى مارەسىنە جەتكەنىن حابارلاعان بولاتىنبىز.