عالىمدار ءوزىن جاس سەزىنۋدىڭ ەرەكشە پايداسىن ايتتى
نۇر-سۇلتان. قازاقپارات - عالىمداردىڭ پايىمىنشا، ادامدار ءوزىن قانشا جاستا ەكەنىن سەزىنسە، سىرت كەلبەتى دە سول جاس شاماسىندا بولىپ كورىنەدى.
سونداي-اق ماماندار ءوزىن جاس سەزىنەتىن ادامداردىڭ ءومىر جاسى دا ۇزاق بولاتىنىن انىقتادى.
بەلگىلى بولعانداي، ءوزىن جاس سەزىنۋ ادام ءولىمىن 41 پايىزعا تومەندەتەدى ەكەن. سوزدەرىنە دالەل رەتىندە عالىمدار سەگىز جىل بويى 52 جاستان اسقان 6 مىڭ ادامنىڭ اراسىندا زەرتتەۋ جۇرگىزگەن.
ەرىكتىلەر ءۇش توپقا ءبولىندى. بىرىنشىسىندە ءوزىن بيولوگيالىق جاسىنان جاس دەپ ەسەپتەيتىن ادامدار بولدى. ەكىنشىسىندە ىشكى جاسى مەن ءتولقۇجاتتاعى جاسى سايكەس كەلەتىن ادامدار جينالدى. ال ءۇشىنشى توپ ءوز جاسىنان ەرەسەكپىن دەپ ەسەپتەيتىن ادامداردان قۇرىلدى. ناتيجەسىندە ءوزىن جاس سەزىنەتىندەر توپتاعى ادامداردىڭ 14 پايىزى قايتىس بولدى. ال باسقا توپتاردا ءار بەسىنشى ادام كوز جۇمعان، دەپ جازادى شەتەلدىك ب ا ق.
