ەلوردادا جولاۋشىلار اۆتوبۋسى كوشە شامى باعانىن قيراتتى - ۆيدەو
نۇر-سۇلتان. قازاقپارات - ەلوردادا №28-باعىتتا قاتىنايتىن جولاۋشىلار اۆتوبۋسى كوشە شامى باعانىنا سوعىلدى، دەپ حابارلايدى قازاقپارات ءتىلشىسى.
وقيعا ورنىنان تۇسىرىلگەن ۆيدەو الەۋمەتتىك جەلىدە تاراپ جاتىر. وسى جايتقا قاتىستى نۇر- سۇلتان قالالىق پوليتسيا دەپارتامەنتى دە رەسمي مالىمەت بەردى.
«7-مامىردا كەرەي- جانىبەك حاندار مەن اقمەشىت كوشەسىنىڭ قيىلىسىندا اۆتوبۋستىڭ جۇرگىزۋشىسى باعدارشامنىڭ تىيىم سالعان بەلگىسىنە قاراماستان قيىلىستى كەسىپ ءوتىپ، كوشە شامىنىڭ باعانىنا سوعىلعان»، - دەپ اتاپ وتەدى ۆەدومستۆودان.
تاراتىلعان اقپاراتقا سايكەس، ادامدار امان. قوعامدىق كولىك جۇرگىزۋشىسىنىڭ ۇستىنەن ق ر اكىمشىلىك قۇقىق بۇزۋشىلىق تۋرالى كودەكسىنىڭ 610-بابى 1-تارماعىمەن اكىمشىلىك حاتتاما تولتىرىلعان. نۇر-سۇلتان قالالىق پوليتسيا دەپارتامەنتى ەلوردا جۇرگىزۋشىلەرىن بارىنشا قىراعىلىق تانىتىپ، جول ءجۇرىسى ەرەجەسىن قاتاڭ ساقتاۋعا شاقىرادى.
