استانادا جەڭىل اتلەتيكالىق ەستافەتا كەزىندە كوشەلەر جابىلادى

نۇر- سۇلتان. قازاقپارات – 7- مامىر كۇنى ەلوردادا وتان قورعاۋشى كۇنىنە جانە جەڭىس كۇنىنە ارنالعان جالپى ءبىلىم بەرەتىن مەكتەپ وقۋشىلارى مەن جوعارى وقۋ ورىندارىنىڭ ستۋدەنتتەرى اراسىندا جەڭىل اتلەتيكادان ەستافەتا وتەدى، دەپ حابارلايدى قازاقپارات.

ەلوردا اكىمدىگىنەن ءمالىم ەتكەندەي، ەستافەتانى وتكىزۋگە بايلانىستى جەڭىس داڭعىلى مەن بيگەلدينوۆ كوشەسىنىڭ قيىلىسى (قارجى مينيسترلىگى)، ءاليا مولداعۇلوۆا جانە بەيبىتشىلىك كوشەلەرى وتىرار كوشەسىنە دەيىن ساعات 10.30 دان 12.00 گە دەيىن جابىق بولادى.

«جوعارىدا اتالعان كوشەلەر كەزەڭ- كەزەڭمەن اشىلادى. ەلوردا تۇرعىندارى مەن قوناقتارىن قالا جولدارىندا كەپتەلىس تۋدىرماۋ ءۇشىن ءوز مارشرۋتتارىن الدىن الا جوسپارلاپ، تۇسىنىستىكپەن قاراۋدى سۇرايمىز»، - دەلىنگەن اكىمدىك حابارلاماسىندا.