رەفەرەندۋم كۇنى پرەزيدەنتتىڭ جارلىعىندا ايتىلادى - دەپۋتات

«رەفەرەندۋم 5- ماۋسىمدا وتەدى دەگەن بولجام بار. بۇل اقپارات قانشالىقتى راس؟»، - دەپ سۇرادى جۋرناليستەر ءماجىلىس وتىرىسىنان كەيىنگى سۇحباتتا.
«بۇگىن نەمەسە ەرتەڭ پرەزيدەنتتىڭ جارلىعى شىعۋى مۇمكىن. مۇنىڭ ءبارىن جارلىقتان كورەتىن بولامىز. ارينە، بۇل دا ىڭعايلى كۇن. 5- ماۋسىم - دەمالىس»، - دەپ جاۋاپ بەردى ارمان قوجاحمەتوۆ.
سونداي-اق، دەپۋتات جۇمىس توبىنىڭ ەل استاناسىن قايتا اتاۋ تۋرالى ۇسىنىس بولدى ما دەگەن سۇراققا جاۋاپ بەردى.
«جۇمىس توبىندا بۇل ماسەلە تالقىلانعان جوق. ءبىز ناۋرىز ايىندا پرەزيدەنت جولداۋىندا ايتىلعانداردى باسشىلىققا الدىق. سوندىقتان پرەزيدەنت بەرگەن تاپسىرمالار نەگىزگە الىندى. قوسىمشا ءبىزدىڭ ازاماتتارىمىز، ۇكىمەتتىك ەمەس ۇيىمدار ۇسىنعان بارلىق نارسە ەسكەرىلدى. وسى تۇزەتۋلەردىڭ بارلىعىن ءبىز بىرگە تالقىلادىق»، - دەدى ارمان قوجاحمەتوۆ.
ايتا كەتەيىك، بۇگىن ءماجىلىس دەپۋتاتتارى «رەسپۋبليكالىق رەفەرەندۋم تۋرالى» ق ر كونستيتۋتسيالىق زاڭىنا وزگەرىستەر مەن تولىقتىرۋ ەنگىزۋ تۋرالى» ق ر كونستيتۋتسيالىق زاڭ جوباسىنا سەنات ەنگىزگەن تولىقتىرۋمەن كەلىستى.
سەناتورلار ەنگىزگەن تولىقتىرۋ بويىنشا «رەفەرەندۋم تۋرالى» زاڭنان ەلباسى تۋرالى نورما الىنىپ تاستالدى.