قىتايدا كوروناۆيرۋستىڭ ورشۋىنە بايلانىستى تۋريستەر سانى ازايدى

بەيجىڭ. قازاقپارات - كورونوۆيرۋستىڭ ورشۋىنە جانە وعان قاتىستى شەكتەۋلەرگە بايلانىستى ءبىرىنشى مامىر مەرەكەسىنە وراي ىشكى تۋريستەر اعىنى 2021-جىلدىڭ ناتيجەلەرىمەن سالىستىرعاندا %30 قىسقاردى.
None
None

بۇل تۋرالى ق ح ر مادەنيەت جانە تۋريزم مينيسترلىگى ءمالىم ەتتى، دەپ حابارلايدى قازاقپاراتتىڭ مەنشىكتى ءتىلشىسى.

مامىردىڭ بەس كۇندىك دەمالىس كۇندەرى (30- ساۋىردەن 4- مامىرعا دەيىن) قىتايعا 160 ميلليون ىشكى تۋريستىك ساپارلار جاسالعان. بۇل 2021-جىلدىڭ سايكەس كەزەڭىمەن سالىستىرعاندا %30,2 تومەن. مامىر مەرەكەسى كەزىندە ىشكى تۋريزمنەن تۇسكەن تابىس %43 ءتۇسىپ، 64,68 ميلليارد يۋان (شامامەن $9,8 ميلليارد) قۇرادى.

قىتايدا كوروناۆيرۋستىڭ ءورشۋى تۋريستىك ورىنداردىڭ قول جەتىمدىلىگى مەن كەلۋشىلەرگە اسەر ەتتى. ءبىرىنشى مامىر مەرەكەلەرىندە ەلدە «ا» ساناتىنداعى تۋريستىك نىسانداردىڭ %61 اشىلدى.

سىچۋان جانە چجەتسزيان پروۆينتسيالارىنىڭ ءبىرقاتار كوركەم جەرلەرىندە تۋريستىك اعىن ايتارلىقتاي تومەندەدى.

حاينان ارالىنداعى سانيا قالاسىنداعى قوناق ۇيلەردىڭ ورتاشا تولىمدىلىعى %60 تومەندەدى.

ۆەدومستۆونىڭ حابارلاۋىنشا، كوروناۆيرۋس پاندەمياسى اۋىل تۋريزمىن كوبىرەك تاڭدايتىن قىتايلىق تۋريستەردىڭ قالاۋىن وزگەرتتى.

سوڭعى ۋاقىتتا قالا ماڭىنداعى قوناق ۇيلەردە تۇرۋ باعاسىنىڭ ءوسۋى بايقالعان.

«بۇلتتى تۋريزم»، «بۇلتتى كورمە» جانە «بۇلتتى شوۋ» سياقتى تانىمال تۋريستىك يننوۆاتسيالىق ونىمدەر قولدانىلادى.

وسى ماقساتتا ءبىرقاتار قىتاي پروۆينتسياسىنىڭ بيلىگى تانىمال تۋريستىك ورىنداردان ونلاين-ترانسلياتسيالار ۇيىمداستىرۋ ءۇشىن بلوگەرلەردى، گيدتەردى، فوتوجۋرناليستەردى تارتادى.

سوڭعى جاڭالىقتار