يندەكستەلەتىن الەۋمەتتىك تولەمدەردىڭ ارتىق سوماسى ماۋسىم ايىندا تولەنە باستايدى

نۇر-سۇلتان. قازاقپارات - يندەكستەلەتىن الەۋمەتتىك تولەمدەردىڭ ارتىلعان سوماسى ماۋسىم ايىندا تولەنە باستايدى.

بۇل جايىندا ق ر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى رۋسلان ساكەيەۆ ايتتى، دەپ حابارلايدى قازاقپارات ءتىلشىسى.

«مۇگەدەكتىگى بار ادامداردى جانە اسىراۋشىسىنان ايىرىلعان وتباسىلاردى الەۋمەتىتك قولداۋعا 370 ميلليارد تەڭگە قاراستىرىلىپ وتىر. رەسپۋبليكالىق بيۋجەتتەن مۇگەدەكتىگى بويىنشا جاردەماقىعا 342 ميلليارد تەڭگە، ەڭبەك ەتۋ قابىلەتىنەن ايىرىلۋ بويىنشا مەملەكەتتىك الەۋمەتتىك ساقتاندىرۋ قورىنان بەرىلەتىن الەۋمەتتىك تولەمگە 28 ميلليارد تەڭگە كوزدەلگەن»، - دەدى ول ورتالىق كوممۋنيكاتسيالار قىزمەتىندە وتكەن بريفينگىدە.

ۆيتسە-مينيستر 1- ساۋىردەن باستاپ جاردەماقىلاردىڭ قانشالىقتى وسكەنىن ءتۇسىندىردى.

«بيۋجەتتەن بەرىلەتىن جاردەماقىلاردىڭ ورتاشا مولشەرى 1- ساۋىرگە دەيىن 52609 تەڭگە بولسا، 1- ساۋىردەن كەيىن 54608 تەڭگە بولادى. مەملەكەتتىك الەۋمەتتىك ساقتاندىرۋ قورىنان بەرىلەتىن تولەمدەردى قوسا ەسەپتەگەندە مۇگەدەكتىگى بويىنشا جيىنتىق تولەمدەردىڭ مولشەرى 1- ساۋىرگە دەيىن 81210 تەڭگە بولسا، 84353 تەڭگە بولادى. مىندەتتى الەۋمەتتىك ساقتاندىرۋ جۇيەسىنە قاتىسۋشىلار الاتىن تولەمدەردىڭ ورتاشا مولشەرلەرى شامامەن 30 مىڭ تەڭگەگە جوعارى بولادى. ۇلعايتىلعان مولشەردەگى زەينەتاقىلار مەن جاردەماقىلار ءساۋىر جانە مامىر ايلارىندا قوسىلعان ارتىلۋلارمەن بىرگە ماۋسىم ايىنان توەلەنەدى. ياعني، بۇگىن زاڭدى سەنات قابىلداسا، ماۋسىم ايىندا تۇسەدى»، - دەدى رۋسلان ساكەيەۆ.

ۆيتسە-ءمينيستردىڭ مالىمەتى بويىنشا، ەكىنشى دۇنيەجۇزىلىك سوعىس مۇگەدەكتەرى اي سايىن 201 مىڭ تەڭگەدەن الىپ وتىر.