قازاقستاندا اگروبانك قۇرىلمايدى

نۇر-سۇلتان. قازاقپارات - قازاقستاندا اگروبانك قۇرۋ ماقساتقا ساي كەلمەيدى.
None
None

بۇل تۋرالى سەنات دەپۋتاتتارىنىڭ ساۋالىنا پرەمەر-مينيستر ءاليحان سمايىلوۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.

«قازىرگى ۋاقىتتا «بايتەرەك» ۇ ب ح» ا ق حولدينگتىك كومپانيا رەتىندە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار بولىپ تابىلاتىن جانە تيىسىنشە قارجى-نەسيە قىزمەتىن رەتتەيتىن ۋاكىلەتتى مەملەكەتتىك ورگانداردىڭ نورماتيۆتىك اكتىلەرىن، سونداي-اق ىشكى ەرەجەلەردى باسشىلىققا الاتىن، اۋىل شارۋاشىلىعىنداعى ءتۇرلى جوبالارعا كرەديت بەرۋدى جۇزەگە اسىراتىن، ءوزىنىڭ مامانداندىرىلعان ەنشىلەس كومپانيالارىنىڭ قىزمەتى ارقىلى ق ر اگروونەركاسىپتىك كەشەن سۋبەكتىلەرىن قارجىلاندىرادى. بۇل رەتتە «بايتەرەك» ۇ ب ح» ا ق- نىڭ ەنشىلەس كومپانيالارى قازىردىڭ وزىندە ا ش ت ءو- گە بانك وپەراتسيالارىنىڭ جەكەلەگەن تۇرلەرىن جۇرگىزۋگە ءتيىستى ليتسەنزيا نەگىزىندە كرەديت بەرۋ جانە ليزينگ قىزمەتتەرىن ۇسىنادى»، - دەپ اتاپ وتەدى ۇكىمەت باسشىسى جاۋابىندا.

سونىمەن قاتار پرەمەر- مينيستر مامانداندىرىلعان بانكتەر ءوزىنىڭ فۋنكتسيونالى بويىنشا كوپتەگەن بانك وپەراتسيالارىنىڭ بارلىعىن ورىنداماي، ەكونوميكا سالالارىنا (اياسىنا) قىزمەت كورسەتۋدە ءوز قىزمەتىن شەكتەيتىندىگىن العا تارتادى.

«بۇدان باسقا، بانكتىڭ تار ماماندانۋى تاۋەكەلدەردىڭ جوعارى شوعىرلانۋىن (تاۋەكەلدەر ءارتاراپتانبايدى) بولجايدى. ال سالىمشىلار قارجىلىق قىزمەتتەردىڭ تولىق سپەكترىن الۋعا بولاتىن امبەباپ بانكتەرمەن جۇمىس ىستەۋدى قالايدى. ياعني مامانداندىرىلعان مەملەكەتتىك كووپەراتيۆتىك بانك حالىقتىڭ دەپوزيتتەرىن تارتۋ قيىندىعىنا تاپ بولادى. ناتيجەسىندە تابىسى تومەن جانە جوعارى ءارتاراپتاندىرىلماعان تاۋەكەلدەرمەن بىرگە مامانداندىرىلعان مەملەكەتتىك كووپەراتيۆتىك بانكتىڭ قارجىلىق جاي-كۇيىنىڭ تۇراقتىلىعىن قامتاماسىز ەتۋ ءۇشىن بيۋدجەت قاراجاتىن ودان ءارى سالۋدى تالاپ ەتەدى. جوعارىدا باياندالعاننىڭ نەگىزىندە اگروبانك قۇرۋ ماقساتقا ساي ەمەس دەپ ەسەپتەيمىز»، - دەدى ءاليحان سمايىلوۆ.

سوڭعى جاڭالىقتار