قازاقستاندا جەر ۋچاسكەلەرى اۋكسيون ارقىلى ساتىلادى

نۇر-سۇلتان. قازاقپارات - ەلىمىزدە جەر ۋچاسكەلەرىن ساتىپ الۋعا قاتىستى جاڭا پيلوتتىق جوبا ەنگىزىلىپ جاتىر.
None
None

بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما ءتوراعاسى سۇيەنىش ءابدىلدين ءمالىم ەتتى، دەپ حابارلايدى قازاقپارات ءتىلشىسى.

«جەر ۋچاسكەسىن الۋ پروتسەسىن جەڭىلدەتۋ ماقساتىندا ءبىز كاداسترلىق كارتا ازىرلەدىك. ماسەلەنى الدىمەن قوعامنىڭ تالقىسىنا سالىپ، جۇرشىلىقتىڭ پىكىرى ەسكەرىلدى. كارتادا جەر ۋچاسكەلەرىنە قاتىستى بارلىق اقپارات كورسەتىلگەن. جىلجىمايتىن مۇلىكتىڭ ءبىرىڭعاي مەملەكەتتىك كاداسترى اياسىندا جەر ۋچاسكەلەرىن egov.kz پورتالىندا اۋكسيون ارقىلى ۇسىنۋ پيلوتتىق جوباسى ىسكە قوسىلدى»، - دەيدى سۇيەنىش ءابدىلدين ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

باسقارما ءتوراعاسىنىڭ ايتۋىنشا، پيلوتتىق جوبا اياسىندا العاشقى جەر ۋچاسكەسىنىڭ اۋكتسيونى اقتوبە قالاسىندا ءوتتى.

«اقتوبەدەگى جەر ۋچاسكەسى باسىندا 51480 تەڭگەدەن باستالىپ، اۋكتسيون ناتيجەسىندە ول جەر 6647611 تەڭگەگە ساتىلدى. ياعني بىرنەشە ەسە قىمبات باعاعا ساتىلىپ وتىر، تۇسكەن پايدا مەملەكەت قازىناسىنا جىبەرىلەدى. اتالعان پيلوتتىق جوبانىڭ تاعى ءبىر ارتىقشىلىعى سىبايلاس جەمقورلىق ارەكەتتىڭ الدىن الادى. سونىمەن قاتار قىزمەت كورسەتۋ مەرزىمىن جارتى جىلدان 1 ايعا دەيىن قىسقارتۋعا مۇمكىندىك بەرەدى. ودان بولەك، جەر ۋچاسكەسىن ساتۋدا اشىقتىقتى قامتاماسىز ەتپەك. بيىل ماۋسىمدا اتالعان جوبانى ەلىمىزدىڭ بارلىق وڭىرىندە ەنگىزۋ جوسپارلانىپ وتىر»، - دەيدى كورپوراتسيا باسشىسى.

ەسكە سالا كەتسەك، ەندىگى ۋاقىتتا كامەلەت جاسىنا تولعان ءاربىر قازاقستاندىق ۇيدەن شىقپاي-اق 10 سوتىق جەرگە eGov.kz ارقىلى ءوتىنىم بەرە الادى.


سوڭعى جاڭالىقتار