ەكس-پرەزيدەنتتەرگە بەرىلەتىن ارتىقشىلىقتار تۇڭعىش پرەزيدەنتكە دە قاتىستى بولادى - ماۋلەن اشىمبايەۆ

نۇر-سۇلتان. قازاقپارات - ەكس-پرەزيدەنتتەرگە قانداي ارتىقشىلىقتار بەرىلسە، ءدال سونداي دارەجە تۇڭعىش پرەزيدەنتكە دە قاتىستى بولادى.
None
None

بۇل تۋرالى سەنات ءتوراعاسى ماۋلەن اشىمبايەۆ ءمالىم ەتتى، دەپ حابارلايدى قازاقپارات ءتىلشىسى.

بۇگىن سەناتتىڭ جالپى وتىرىسىنان كەيىن تىلشىلەر تۇڭعىش پرەزيدەنت نۇرسۇلتان نازاربايەۆقا بەرىلەتىن ارتىقشىلىقتار تۋرالى سۇرادى.

«ەكس-پرەزيدەنتتەرگە قانداي ارتىقشىلىقتار بەرىلەتىن بولسا، ياعني الەۋمەتتىك جاعىنان قورعالۋى مەن قاۋىپسىزدىگىنە قاتىستى پۇرساتتاردىڭ ءبارى تۇڭعىش پرەزيدەنتكە دە بەرىلەدى. بۇل تۇرعىدا ەشكىمنىڭ دە ەلدەن ارتىق دارەجەسى بولمايدى. بولاشاقتا قازاقستاندا ءبىراز پرەزيدەنتتەر بولاتىن شىعار. وسى ورايدا الەۋمەتتىك تۇرعىدان قورعاۋ، قاۋىپسىزدىگىن قامتاماسىز ەتەتىن نورمالار ەكس-پرەزيدەنتتەرگە بىردەي قاتىستى بولادى. بۇل نورمالار كونستيتۋتسيادا بار، سول نورمالاردىڭ ءبارى تۇڭعىش پرەزيدەنتكە قولدانىلادى»، - دەدى م. اشىمبايەۆ.

وسى ورايدا سەنات ءتوراعاسى زاڭنامادا ەكس-پرەزيدەنتتەرگە قاتىستى ارنايى باپ بار ەكەنىن، وندا ءتيىستى نورمالار ەسكەرىلگەنىن ەسكە سالدى.

«ءتيىستى وزگەرىستەر ەنىپ جاتىر سولارعا قۇقىقتىق نەگىز قالىپتاستىرۋ ءۇشىن رەفەرەندۋم تۋرالى زاڭنان تۇڭعىش پرەزيدەنتكە بايلانىستى نورمالاردى رەفەرەندۋمگە شىعارۋعا بولمايدى دەگەن نورمالاردى الىپ تاستادىق»، - دەدى ول.

بۇدان بۇرىن حابارلانعانداي، بۇگىن سەناتتىڭ جالپى وتىرىسىندا «رەسپۋبليكالىق رەفەرەندۋم تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا وزگەرىستەر مەن تولىقتىرۋ ەنگىزۋ تۋرالى» كونستيتۋتسيالىق زاڭ جوباسى قارالدى.

قۇجاتقا تۇزەتۋ ەنگىزىلگەندىكتەن زاڭ جوباسى ماجىلىسكە قايتارىلدى. سەناتورلار «رەفەرەندۋم تۋرالى» زاڭنان ەلباسى تۋرالى نورمانى الىپ تاستادى.

سوڭعى جاڭالىقتار